Shillong, Risaw 10: U Symbud Myntri Rangbah ba khmih ia ka Tnad Transport Bah Sniawbhalang Dhar ula pynpar ba ka Sorkar kan shim rai halor ka lynti rel tad hadien ka jingiasyllok bad baroh ki kynhun bapher bapher.
Haba jubab ia ka jingkylli halor ka jingdawa ia ka rel kit mar, u Bah Sniawbha ula ong “Phi tip, ngi don hangne na ka bynta u paidbah. Lada u paidbah u mynjur, kam don jingeh ia ngi”.
Hynrei, ula ban jur ba kino kino ki rai halor kane ka kam kan donkam ia ka jingiarai lang jong baroh.
“Hynrei phi top, kum ka rel kit mar bad lynti rel, ngi hap ban iakren shuwa ia baroh bad hadien kane, kum ka Sorkar, ngin sa shim ia ka rai” ula bynrap.
U Symbud Myntri Rangbah ula kren shai ba ka rai kam dei ka ban shim tang da kano kano ka thain hynrei ka donkam ia ka jingmynjur na baroh ki thain.
“Ym don Jaintia, ym don Khasi (thain), mano mano ba long kiba kloi, ngin sa shim ia ka rai” ula ong haba ban jur ia ka jing kongsan ka jingiamynjur lang kawei ia kum kane ka project.
