Shillong Rymphang 15: U Working President ka Khun Hynniewtrep National Awakening Movement (KHNAM) Bah Thomas Passah ula ong ba ka jingpynlong ia ka Personal Interview ha ka thungkam Sorkar kadei kata ka lad ban thep kam sopsop da ki briew kiba don ha ka bor bad kadei ka lad ban khrong pisa na ki paidbah ban aikam.
“Kumba ka long mynta hi ka shai kdar ba ka Personal Interview ka dei ka lad ban ioh thep kam tuh ia ki briew kiba ithuh iano re iano kiba don haka bor bad ka lad ban pan pisa na ki paidbah ban aikam. Kan shong ha ka sorkar bad ha ki 60 ngut ki MLA ka jylla ba lada kim don bynta ban leh politik ia ka jingiohkam jong ki samla kidei ban kren ia kane ka bynta bad lada ki sngap jar ka mut ba ki ruh ki donbynta ha kaban leh politik ha ka kam thungkam thungjam” ong u Bah Thomas Passah haba iakren bad ki nongthoh khubor hynne ka sngi.
Ula ong ka KHNAM kala aid a ka jingthoh iaka sorkar mynta la shi snem tam ban dawa ban pynduh noh ia ka jingpynlong iaka Personal Interview ha ki kam sorkar namar wat ka sorkar India ruh naduh u snem 2016 kala dep ban pynduh iaka Personal Interview bad 23 tylli ki jylla hapoh ka ri kila pynduh noh iaka Personal Interview ha ka Group B,C bad D ban wanrah ia ka jingthungkam kaba khuid bad ka bym shah liang.
“Ka KHNAM kala pan jingpynshai ruh na u Myntri Rangbah ba yn ai ia ki nuksa halor ka jingiohnong ban pynlong iaka Personal Interview, namar haka KHNAM hi kam don kano kano ka jingiohnong bad katba ka sorkar kam pat pynurlong ia ki mat jingdawa, ka KHNAM kan iai bteng ban pynlong ia kum kane ka prokram bad kan iaikren naka bynta ka jingmyntoi jong ki samla ka jylla.
 Bah Thomas Passah ula ong ba ka jingpynlong ia ka Personal Interview ha ka thungkam Sorkar kadei kata ka lad ban thep kam sopsop da ki briew kiba don ha ka bor bad kadei ka lad ban khrong pisa na ki paidbah ban aikam.){kind=link}