spot_img

Ka MNF ka la pulom ban pyniaid ia ka sorkar ha Mizoram, ong u nongialam ka Congress

Date:

Share post:

Aizawl, Naitung 08: U national Secretary ka Indian Youth Congress, u Nur Sofique Wazid u la pynlong ka jingleit jngoh ka ba lai sngi kynthih shapoh Mizoram na ka bynta ban pynkhlain ia ka party ha kane ka jaka, ong u nongialam ka Congress hynne ka sngi Thohdieng.

U Wazid u ba la wan poi ha kane ka sngi Balang ba la lah, u la iakynduh ruh ia ki nongialam jong ka youth congress bad ruh ia u president ka party u Lalsawta bad pynlong ka jingiamir jingmut kumno ban pynioh ia ka party ha ka bor ha kane ka ilekshon assembly ha u 2023, ong u president ka congress youth wing ka jylla, u Dr Lalmalsawma Nghaka.

Ha kane ka jingiamir jingmut, ki nongialam ka congress ki la iatai ruh halor ki ba bun ki mat ka ba kynthup halor ka roi ka par jong ki samla, ong utei u president.

Ha ba ai jingkren ha ka jingialang hapoh Congress bhavan ha katei ka jaka hynnin ka sngi Palei, u Wazid u la ong ba ka All India Congress Committee (AICC) bad ka Indian Youth Congress (IYC) kin shim ia baroh ki sienjam ban pynkhlain ia ka party khnang ba yn lah ban thaw ia ka sorkar jong u paidbah ha ka jylla.

Da ka ba kynthoh ia ka sorkar NDA ba la lamkhmat da ka BJP hapoh ka jingialam u Myntri Rangbahduh (PM) Narendra Modi, une u nongialam ka Congress u la kynnoh ba ki dor ki mur jong ki mar ki mata ka ba kynthup ia ka umphniang bad ki tyndong lyer shet ki la kiew dor shaba palat liam hapoh ka jingialam jong ka sorkar NDA.

“Ka BJP kam shym la leh ei ei hynrei ka la pynleit jingmut tang halor ki polisi ban kyntiew bad pynioh nong tang ia ka party bad ia ki briew jong ka lane kito ki ba riewspah,” u la ong shuh shuh. U Wazid u la kynnoh ruh ia ka BJP halor ka jingpeit i bein ia ki kynhun niam rit paid namar ki mat treikam Hindutva ki jong ka.

“Ka BJP ka la pynkylla ia ka India sha ka hima jong ki Hindu kum kawei na ki mat ba kongsan tam. Ka la ialap halor ki polisi treikam jong ka Hindutva ka ba la pynlong ia ki kynhun niam rit paidbah ba kin shah ban bein,” ong une u nongialam ka Congress.

Nalor kata u la kynthoh pyrshah ruh ia ka sorkar synshar ha Mizoram ka Mizo National Front (MNF) ba ka ka lah ban wanphai biang ha ka bor ha kane ka ilekshon assembly ka ba la dep namar ka jingiarap jong ka BJP.

Shuh shuh u la ong ba ka MNF ka dei ka dkhot ba iajan jong ka North East Democratic Alliance (NEDA) ba la lamkhmat da ka BJP bad ruh ka paralok ba shisha jong ka NDA hapoh ka sorkar pdeng.U la kynnoh ruh ba ka MNF ka la pulom ha ka ba iadei bad ka jingpyniaid ia ki kam pisa tyngka bad ruh ia ka sorkar kumjuh.

Hapoh ka jingsynshar jong ka MNF, ka ram jong ka sorkar ka la kiew sted bha, ki nongtrei sorkar kim shym la ioh ia ki jingsiew ha ka por ka ba biang bad ki ba bun na ki nongpang ki la mad ia ka jingeh namar ka jingpynslem ha ka ba iadei bad ki insurance halor ka koit ka khiah lane ha ka ba iadei bad ka jingsiewia ki bill shah sumar, u la ong shuh shuh.

Share post:

spot_img
spot_img

Popular

More like this
Related

Plie ka MIDC ia ka Business Facilitation Centre ban pynsuk ia ka jingsengjam ha Jylla

Shillong Jylliew 19: Ka Meghalaya Industrial Development Corporation Ltd....

Pyniaid ki Crorepati ia ka Sorkar Arunachal Pradesh bad Sikkim

Guwahati, Jylliew 19: Kaei kaba ka Jylla Arunachal Pradesh...

Pynkup burom ka MEPA ia 2 ngut ki Journalist ba ioh khusnam na Meghalaya

SHILLONG, JUNE 19: Ka Meghalaya Editors’ and Publishers’ Association...

Aibor ka Sorkar ha ki DC ban rai ia ka Roster System ha ki District

Shillong, Jylliew 19 : Ka Kynhun Myntri ka Sorkar...
spot_img