Shillong, Rymphang 25 : U National General Secretary ka National People’s Party (NPP) bad Symbud Myntri Rangbah Bah Sniawbhalang Dhar ha ka sngi Ba-ar, ula ong ba ka jingioh vote (vote share) jong ka Liang Pyrshah Voice of the People Party (VPP) kala hiar sha ka 3.71 lak katba ka jing ioh vote ka NPP kala kiew da 2.80 lak ha ka elekshon District Council ha Ri-lum Khasi bad Jaintia.
“Ka VPP kala ioh tang 3.71 lak vote ha ka elekshon ADC na ka 5 lak vote ba ka ioh ha elekshon Lok Sabha 2024 (na ki 36 tylli ki Assembly constituency ka Ri-lum Khasi bad Jaintia kiba hap hapoh ka Shillong Parliamentary). Kane ka mut ba vote jong ka VPP kala hiar bak ly bak tang hapoh ka 8-9 bnai bad hapoh u 2028, kan sa nang hiar sha ka 80% phim lah ban tip bad ngin trei shiton sha kata” ong u Bah Dhar haba iakren bad ki nongthoh khubor.
Ula kam ruh ba ka NPP kala nang leh lehbha ha ka elekshon ADC ba dang shu dem da kaba nang ioh bun ia ka bhah na ka jingioh vote sha ka 2.80 lak.
“Mynta ka kynti ka jingiapher hapdeng ka jingioh vote ka VPP ka long rang 85000 haba ianujor bad ka 3 lak vote ba ka ioh ha ka elekshon MP ba dang shu dep” ong u Bah Sniawbha.
Ka NPP kan thaw ia ka Executive Committee (EC) ba thymmai ha Jaintia Hills Autonomous District Council (JHADC) da ka jingkyrshan haduh 18 ngut ki MDC ba kynthup ia 14 ngut ka NPP, 3 ka UDP,1-IND. Ka NPP ka ioh tang 4 seat na ki 29 constituency ha Khasi Hills Autonomous Distrct Council (KHADC) kaba la sar da ka VPP haduh 17 seat.
“Nga ai khublei ia ki paidbah ka ri-lum Jaintia ba ki don ka jingngeit bad jingshaniah kaba pynlong ia ngi ban jop bun paid eh ha JHADC. Ngi la nang kham leh bha shuh shuh da 50-60%. Ngi burom ruh ia ka rai jong u paidbah ka ri-lum Khasi kaba ngi ioh tang 4 seat” ong une u Heh ka NPP.
“Ngi la kham leh bha shuh shuh kum ka kynhun MDA. Ngi la ioh 12 seat baroh lang ha KHADC bad 18 seat ha JHADC” ula bynrap/
Nalor kane, u Bah Sniawbha ula ong ba ka MDA kam don jingthmu ban thaw ia ka EC ba thymmai ha KHADC namar ki paidbah kila ai ia ka rai kaba shai sha ka VPP bad ong “Kila ioh ia ka jingbun paid ba pura, ai ba kin thaw ia ka EC ba thymmai”.
Hynrei ula aiksar “Lada kim lah ban pyniaid shakhmat ia ki kam ngin sa peit hadien katto katne snem. Ngin sa iapeit”.
Haba pynpaw ba ka VPP kala kular shibun kiei kiei ha ka por ialap elekshon, u bah Sniawbha ula ong “Nga khmih lynti ba kin pyndep iala ki jong ki jingkular khnang ba ki paidbah kin kmen bad lada kim lah, ki paidbah kin sngewsih. Ki paidbah kin aipor ia ki lai snem”.
Haba kylli la ka NPP kan iakren ia ka Congress ha JHADC ban iatreilang, u Bah Sniawbha ula ong “Ngin sa iapeit, ai lad ia ngi ba ngin pyndep shuwa ia ka kam ba nyngkong eh”.
Ula kular ruh ba ka EC ba thymmai ban ialam da ka NPP kan leh eiei halor ka jingkyrduh pisa jong ka JHADC bad ong “Ai ba ka jingthaw ia ka EC ba thymmai ban dep shuwa katba ngi dang pyrshang ban leh eiei ia kane ka kam bad ka Sorkar. Ngi dang pyrshang ban leh eiei namar ka jingkyrduh pisa ka don beit ha ki District Council bad ngi la pyrshang ban shim ia ka sienjam ha ka rukom ba hadien habud kin nym mad jingeh shuh”.
 bad Symbud Myntri Rangbah Bah Sniawbhalang Dhar ha ka sngi Ba-ar, ula ong ba ka jingioh vote (vote share) jong ka Liang Pyrshah Voice of the People Party (VPP) kala hiar sha ka 3.71 lak katba ka jing ioh vote ka NPP kala kiew da 2.80 lak ha ka elekshon District Council ha Ri-lum Khasi bad Jaintia.){kind=link}