Shillong, Kyllalyngkot 09: Ka 5th Meghalaya Games 2024 kaban long ha Tura, kan long ka rynsan kaban pyni iaki jingialehkai tynrai ka jaidbynriew Khasi, Jaiñtia bad Garo.
U Working President ka Meghalaya State Olympics Association (MSOA) u Bah John Kharshiing, ula iathuh ba kan dei ha ka sien kaba nyngkong eh ba ha katei ka lympung iakob ialehkai yn pynlong ruh iaka jingiakob ialehkai ia ki jingialehkai tynrai jong ki jaidbynriew Khasi, Jaintia and Garo Hills.
Kitei ki jingialehkai tynrai kin shim ia ka bynta kaba kongsan haka sngi plie iaka Meghalaya Games bad kan long kum ka rynsan kaba pyni iaka kolshor lyngba ka jingialehkai tynrai.
Kane ka lympung kan sdang naduh ka 15 tarik haduh ka 20 tarik u Kyllalyngkot ha Tura bad ia ka Meghalaya Games 2024 yn plied a ka President ka India ka Droupadi Murmu.
Lah ban kdew ba ia kitei ki 3 tylli ki jingialehkai tynrai la rai ban kynthup lang ha ka Meghalaya Games lyngba ka jingai jingmut bad ka jingpynshlur jong u Myntri Rangbah ka jylla u Conrad K. Sangma.
Kin don palat 3000 ngut ki nongialehkai na ki 22 tylli ki jait jingialehkai kiban iashimbynta ha ka Meghalaya Games 2024 bad ka East Khasi Hills District kadei kaba bun tam ki nongialehkai ha kaba kin don haduh 670 ngut ki nongialehkai kiban iashimbynta ha katei ka lympung, katba kiwei kiwei ki District kin phah kumba 100-200 ngut ki nongialehkai.
 u Bah John Kharshiing, ula iathuh ba kan dei ha ka sien kaba nyngkong eh ba ha katei ka lympung iakob ialehkai yn pynlong ruh iaka jingiakob ialehkai ia ki jingialehkai tynrai jong ki jaidbynriew Khasi, Jaintia and Garo Hills.){kind=link}