Shillong, 15 Lber : North East Centre for Technology Application and Reach (NECTAR), Dept of Science and Technology, ka Sorkar India , ha ka 15 tarik u Lber, ka la sdang ia ka Community Radio Station (CRS), ba la ai kyrteng ka “Mawkynrew 89.60 FM Community Radio” ha ka shnong Jongksha, East Khasi Hills District.
Kane ka Community Radio Station ka long hi kum ka FM Radio Station, ha kaba lah ban sngap da kaba leit sha ka 89.6 Mega Hertz ha ka FM band na ka radio lane mobile phone bad ki paidbah ki lah ban sngap ban ioh jingmyntoi ha ka liang ka koit ka khiah, ka pule puthi, ki jingai jingtip halor ka rep, bad ki jingrwai ki jingtem.
Ia kane ka projek ba la mang 60 lak tyngka la wan ban plie da u MLA ka thain, u Bah Banteidor Lyngdoh kum u kongsan ha ka jingiadonlang ki ophisar ka NECTAR, ki nongïalam shnong ba kynthup ia u Bah Olet Kharsahnoh, Sordar ka shnong Jongksha, ki nongshong shnong, ki khynnah skul lem ki nonghikai.
Kiba wan ban ia donlang ha kane ka sngi ki la sakhi ia ki jingrwai jingshad ba itynnad na ki khynnah skul ka Mary’s Garden School, Jongksha bad ki jingrwai Myllung na ki khynnah ka Inclusive Music School, Shillong.
Na kane ka Community Radio Station kan ai jingshakri sha 9 tylli ki Constituency kiba hap ha ka East Khasi Hills bad West Jaiñtia Hills ba kynthup palat 200 tylli ki shnong.
Haba kren ha ka jingïalang, u Bah Banteidor u la pynpaw kane ka Community Radio Station kan long ka lad ia ki samla ban sei ia la ki jong ki sap kiba ki don.
, Dept of Science and Technology, ka Sorkar India , ha ka 15 tarik u Lber, ka la sdang ia ka Community Radio Station (CRS), ba la ai kyrteng ka “Mawkynrew 89.60 FM Community Radio” ha ka shnong Jongksha, East Khasi Hills District.){kind=link}