Shillong, Lber 29: Ka jingtohkit ka pynpaw ba u Laden Ch Sangma, uba shah kem na ka jingsiat iap ia u Nonghikai Skul ha North Garo Hills, u dei u nongkhaii ia ki wait, stieh bad ki jingdeng ki Garo hashuwa ba un leit pyniasoh sha ka Garo National Liberation Army (GNLA) bad long u kaikhlaw ba sheptieng bha ha Ri-lum Garo.
U Laden Ch Sangma u dei u dkhot ka batch ba nyngkong jong ka GNLA bad ula pyndep ia ka jinghikai ha Durama Hills jong ka Ri-lum Garo. Ha u snem 2012, ula ioh ia ka kyrdan Area Commander ka Northern Zone, ong ki Pulit.
“Shuwa ba un rung sha ka GNLA, u dei uba trei ia ka kam ban khaii ia ki wait garo, ki stieh garo bad ki jingdeng ki garo bad kumta, u dei uba ju leit iuhkjat ha ki shnong bapher bapher ha Ri-lum Garo. Ha kawei ka sngi, ula iakynduh ia u (L) Sohan D Shira, u nongseng ka GNLA bad dkhot barim ka ANVC ha Nengmandalgre. Hadien kane, ha kiba bun ki khep u ju iakynduh ia u Sohan bad sdang iajuh iajan bad u. Da ka jingai jingmut u Sohan D Shira, u Laden bad 15 ngut kiwei, kila leit ban iasoh sha ka GNLA hapoh ka jingialam u Sohan” kila ong.
Une u Area Commander barim ka GNLA ula shah kem ha ka 27 tarik Lber halor ka jingdonkti ban pyniap ia u Denybirth G Momin, u nonghikai science bad math ka Resubelpara Higher Secondary School. Ia une u nonghikai la siat iap hakhmat ki bahaiing hasem bad ki khynnah nalor kiwei kiwei, ha u snem 2012.
 bad long u kaikhlaw ba sheptieng bha ha Ri-lum Garo.){kind=link}