SHILLONG, JAN 7: Katto katne tylli ki phlim ki iaid shakhmat da ka jingjar jar. Ym da ka jingpynbna hynrei da ka jingiaid jai jai bad ka jingkyrshan ha ka por kaba biang. Ka “Late Autumn Dream”, ka phlim kaba la shna da u Pramati Anand, kadei kawei na ki projek. Ka jingiaid lynti jongka, ka pyni ba kumno ka jinglong jingman ha ka WAVES Film Bazaar ka lah ban pynkylla sha ka jingpynmih phlim kaba shisha.
Kane ka projek kala rung ha ka WAVES ha ka wat kaba kloi lyngba ka NFDC Screenwriters’ Lab. Dei hangne ba kane ka phlim kala sdang ban ioh ia ka jingshai, jingskhem jingmut bad ka jingkloi ha ka kam. Katba dang iaid ki bynta ha ka lab, ka jingbatai khana jong ka phlim, ka drama kaba don ia ka bynta jong ka imlang sahlang bad ka kam sain pyrthei hapoh ka jylla Meghalaya, la pynwandur bha lyngba ka jingioh jingbtin lynti kaba biang. Kane ka rukom leh kala nang pynnep ia ka khana bad ia ka jingthmu ha ryngkat bad ka pynneh pynsah ia ka kolshor bad ia ka bynta jongka jingsngew.
Ha WAVES, ka “Late Autumn Dream” kala ieng kum ka sur kaba kham phylla. Ka phlim kaba don ia ka jingshisha bad ki khanapuriskam bad donbynta ruh bad ki matpdeng jong ka jinglongtynrai, ka jingshah pynkynriah jaka bad ka jingiadei para briew ha ka jinglong jingman jong ki jaka ha ki thain khappud. Kane ka phlim kadei ka khana shaphang ki arngut ki samla kynthei, kawei ka khynnah Bengali bad kawei ka khynnah Khasi, kiba la jah ha ka khlaw kaba don ia kiei kiei kiba long ki kynja pursikam. Kaba la ngam jylliew da ki jingkylli shaphang ka jinglong ka tynrai bad ka jingiakynad ha khappud, kane ka jaka ka iasyriem bad ka jinglong jingman kaba khlain bha ka jingiadei bad ka thain.
Da ka rukom ak kaba la khlain bha, kane ka khana kala iaid shakhmat ban thoh biang ia ka 1.2 da ka Studio Ainak, kaba la tei shuh shuh lyngba ka jingbuh mawnongrim ha ka WAVES. Hadien katei ka phlim kala shah jied ban long shi bynta jongki Longkmie ha ka phlim ha ri India ha ka Toronto International Film Festival. Kane kala buh ia kane ka projek ha ka jingshah khmih bad ban pyniar ia ka jingiohi ka jongka ha kylleng jong ka pyrthei.
Kaba la nang kham biang shuh shuh kadei haba ka Platoon One Films kala wan pyniasoh bad kane ka projek kum ka kompani kaba ialam nakhmat eh. Ki Producers kila ithuh ym tang ia ka khana kaba la thoh pyndep hynrei ka phlim kaba lah da pynmih bha ha ka rynsan kaba biang. Kane ka jingiadei kala long kum ka jingwanrah ia ka jingkylla ia ka “Late Autumn Dream” na ka jingshna sha ka jingpynkhreh kaba la biang ban pynmih.
Na ka bynta Pramati Anand, kane ka jingak ia ka phlim kala wan na ka jingshemphang kaba nalade ha ka por ba leh ia ka UNESCO project, kaba la don ia ka bynta jong ka poitri sha ka bynta kaba shisha. Na ka bynta ki Producer, ka phlim ka iaid ryngkat bad ka jingiohi jong ka IP, kawei kaba iohi ia ka jinglah bad ka jingtei ia ka khana kaba riewspah kaba neh pat bad ka jinglong tynrai ha ka jaka bad ka jinglong jingman.
Ka jingiaid lynti jong ka “Late Autumn Dream” ka pyni kumno ka WAVES Film Bazaar ka treikam kum ka nongiatai ban kum ka khyrdop kaba pyrkhing. Da kaba ailad ia ki khana ban iaid bin pa bin bad pyniasoh bad ki nongshna phlim kiba don ia ka jingtbit kaba biang bad ki paralok kiban pynmih, ka rynsan kaba plie lad ba ki sur kiba dang shu mih kin iaid shakhmat da ka jingthmu bad ka lynti kaba dei.
Haba leh kumtei, ka WAVES kala bteng ban saindur ym tang ia ki phlim jong ki riewshimet hynrei ka lynti iaid lyngba ki khana bathymmai ka ri India kin ioh iuhkjat bad ia ka lawei ka jongki.
