Shillong, Jylliew 23 : U Symbud Myntri Rangbah ba khmih ia ki kam Pohiing (Police) Bah Prestone Tynsong, ula ong ba ka jingtohkit halor ka jingshah pyniap u Raja Raghuvanshi ba na Indore ha Sohra, kan iaid palat ia ka kam “ia ieid samla”.
“Ngin dang ban lap ia ka jingshisha. Ngin hap khmih na baroh ki liang. Ngam kren tang ia ka kam ia ieid samla hynrei palat ia kata. Kumta, ia mynta ngam pat lah ban ong eiei, ai ba kan dep shuwa ka jingtohkit bad hadien kata, nga tharai ka jingshisha kan sa mih kumba ka long” ong u Bah Prestone haba iakren bad ki nongthoh khubor.
U pyntip ba ki Pulit SIT kila kem s alai ngut ki briew haba iadei bad kane ka jingshah pyniap u Raja Raghuvanshi.
“Tang ha kine khyndiat sngi ban wan, yn sa wan ialam ia ki sha Shillong ban tohkit shuh shuh namar la shem ba ki don jingiadei halor kane ka jingshah pyniap u Raja” ula bynrap.
Haba kylli, u Bah Prestone ula ong “Ka jingtohkit kala iaid shaid shaid. Nga la dep kyntu ia u Superintendent of Police ban pyntip sha nga ia kiei kiba mih na ki jingtohkit”.
Kat kum ka jingong jong u, ka kurim u Raja, ka Sonam, u baieid jong ka Raj Kushwaha bad laingut ki paralok, kiba la shah thong pisa ban pyniap, kila don mynta hapoh ka Judicial Custody.
“Mynta, ka jingtohkit ka dang iaid, to ngin ia ap bad iapeit ia kaei kaba mih” ula bynrap.
 Bah Prestone Tynsong, ula ong ba ka jingtohkit halor ka jingshah pyniap u Raja Raghuvanshi ba na Indore ha Sohra, kan iaid palat ia ka kam “ia ieid samla”.){kind=link}