Kitbok ia ka VPP ban lah pynurlong ia ki jingkular por elekshon
Shillong, Rymphang 25 : U Nongialam ka United Democratic Party (UDP) bad Myntri Sorkar Bah Paul Lyngdoh ha ka sngi Ba-ar ula ong ba ka jingpyrshah sorkar ka dei kawei na ki daw ha lyndet ka jingbym lah lehbha jong ka party ha ka elekshon Autonomous District Council (ADC) ba dang shu dep ha ri-lum Khasi bad Jaintia.
Ka UDP kala jop tang 5 seat ha ka elekshon Khasi Hills Autonomous District Council (KHADC) bad 3 seat ha Jaintia Hills Autonomous District Council (JHADC).
“Ka jingbym lah leh bha ka dei namar ka jingpyrshah Sorkar naba ki briew ruh ki sngew ba u synsar thymmai u kham sar khuid bad phi tip bha ba ka VPP kam pat ju don ha ka bor kumta ka suk palat lada phi shu shong na gallery ban kdew hangno ka iaid bakla ha madan hynrei lada phi la don slem ha madan, ki briew kin sa lah ban kdew ia ki jingbakla jong phi namar phi hap ban trei bha hynrei ka VPP haduh mynta kam pat ju iohbat ia u lakam ka jingsynshar. Kumta, ka long kaba suk ban ong ba ngi dei kiba khlem bor bad ai ha ngi ia ka bor bad ngin ai ka jingshakri” ong u Bah Paul haba iakren bad ki lad pathai khubor.
Haba iaroh ia ka Voice of the People Party (VPP) ia ka jinglah leh bha ha ka elekshon, une u Nongialam ka UDP ula ong “Kala bha palat mynta ba kila don ha ka kyrdan ba biang eh ban ialam ia ka EC hapoh KHADC. Nga kitbok ia ngi bad kitbok ruh ba kin lah ban pyndep ia ki jingkular elekshon”.
La ka VPP kala shim kabu ia ka jingsngew myllung u paidbah, u Bah Paul ula ong “Ngan ong ba ka rukom iaid ialap elekshon jong ki ka iapher bha bad jong ngi hynrei sa shisien ha ka kam sain pyrthei kan donbeit ka jingkhein ba phin kiew, phi kot ha u pud ba halor eh bad hadien phin sa nang hiar suki suki bad sa poi sha trai bad phin sa kiew biang. Nga tharai kaei kaba la jia kan sa jia biang”.
Haba kylli, u Bah Paul ula pyntip ba ka UDP kan sa iakynduh shen ban iakren ia ki jingmih na ka elekshon ADC.
 bad Myntri Sorkar Bah Paul Lyngdoh ha ka sngi Ba-ar ula ong ba ka jingpyrshah sorkar ka dei kawei na ki daw ha lyndet ka jingbym lah lehbha jong ka party ha ka elekshon Autonomous District Council (ADC) ba dang shu dep ha ri-lum Khasi bad Jaintia.){kind=link}