spot_img

Ka jingkylli kam mih satia ba donkam ialeh MTET ki nonghikai SSA, ong u Myntri

Date:

Share post:

Shillong, Nohprah 16 : U Myntri ka Tnad Pule Puthi Rakkam A Sangma ha ka sngi Nyngkong ula ong ba ka jingkylli kam mih satia ba ki nonghikai skul SSA ba kin hap pyndep ia ka eksam Meghalaya Teachers’ Eligibility Test (MTET).

Haba iakren bad ki nongthoh khubor, u Rakkam ula ong “Naba ki (Nonghikai) dei kiba la dep thungkam, ka jingkyllii (ban pyndep ia ka eksam MTET) kam mih satia”.

Ula ong ba ia ka MTET la pynlong kat kum ka kyndon jong ka Ministry of Education bad ka NCTE. Ula ong ba ka MTET ka treikam tang ia ki nonghikai ba dang shu thungkam thymmai ha Jylla.

Ka Meghalaya SSA Schools Association (MSSASA) hynne ka sngi ha ka General Meeting kala rai ban dawa ia ka Sorkar ban pyllait ia ki nonghikai SSA kiba la rung kam ha lane shuwa ka 1 tarik Naitung, 2020 ba kin pyndep ia ka eksam MTET nalor ban thung ia ka High Powered Committee ka ban khmih ia ki ishu ba dang sahteng ba kynthup ia ka jingdawa ia ka policy ban ai jingshngain ia ka jingshakri ki palat 13000 ngut ki nonghikai SSA.

Hynrei u Myntri ula pynpaw ba kam iahap ban thaw ia ka High Powered Committee bad ong “ Kane ka dei namar ka Meghalaya State Education Commission (MSEC) kala khmih lypa ia baroh kine kiei kiei, la ka dei ka SSA, ki ishu jong ki College bad University ka Sorkar bad kiwei kiwei. Ka Commission kan sa aiti shen ia ka kaiphod ha ryngkat ki jingai jingmut ba kumno ngin leh ban pynbeit ia ki jingeh jong ki nonghikai.

Ula ban jur ruh ba ka Sorkar kan rai halor ki ishu namar ka jingduna pisa tyngka ka dei kaei kaei ka bym lah ban iatai.

Share post:

spot_img
spot_img

Popular

More like this
Related

Assam | Kem ka CBI ia u Telecom manager bad 2 ngut ba die tuh ia ki SIM card

Guwahati, Nailar 28: Ka Central Bureau of Investigation (CBI)...

Dawa ka INC na u Lamphang ban mait kyrteng ia baroh 4 MLA ba phet sha ka NPP

Shillong, Nailar 28 : Ka Indian National Congress (INC)...

Mang ka Sorkar Pdeng palat T. 1200 klur ban shna ia ka surok Phulbari-Tura

Shillong, Nailar 28 : Ka Sorkar Pdeng kala mang...

CBI arrests telecom manager, two others in Assam for illegal SIM card racket linked to cyber crimes

Guwahati, Aug 28: The Central Bureau of Investigation (CBI)...