Shillong, Nailur 07 : U Vice President CP Radhakrishnan ha ka sngi Nyngkong ula iathuh ba ka jingiadei jong u bad u Speaker barim ka Lok Sabha (L) PA Sangma ka dei kaba khlain bha bad kaba la slem bah.
Haba buh ia u mawnongrim na ka bynta ki 5 tylli ki project ba shongdor T.1,010.95 klur ha Shillong ha ka jing wan iuhkjat ha ka sien ba nyngkong eh ha Meghalaya, u Vice President ula pynkynmaw ia ka synniang jong u PA Sangma ha ka jylli sain pyrthei hapoh ka Ri.
“Kumba pynpaw da u Myntri Rangbah, ka jingiadei jong nga bad u PA Sangma ka long kaba khlain bha bad kaba slem bah. Baroh ngi iatip, bad ka ri baroh kawei ka tip ia u PA Sangma. Nga sngew sarong shikatdei eh ban kynmaw ia u hangne. Kum u Myntri bad u Speaker ka Lok Sabha, ula buh ia ki matti kiba khraw ha ka histori jong ka sain pyrthei ka ri India” ong u Radhakrishnan.
