Shillong, Jylliew 2: U Myntri Rangbah ka jylla Conrad Sangma ha ka sngi Palei ula plie ia ka dorbar jong ka European Union (EU)-India Global Gateway conference ha ryngkat u Myntri Khynnah ka kam korbar bar ri Rajkumar Ranjan Singh, ha ka jingiadonlang u Koen Doens, DG, Directorate General for International Partnerships, European Commission, Ugo Astuto, Ambassador ka EU sha India bad Bhutan bad u Santosh Jha, Ambassador ka India sha EU.
Ia kane ka dorbar la plie ban pynkhlain ia ka jingiakren bad ban ithuh ia ki jingdonkam ha ka liang ki lad pyniasoh ha kane ka thain.
Ka jingthmu jong kane ka dorbar ka long eh ban kyntiew ia ka jingkynshew ha ki lad pyniasoh ki bym pynjaboh ia ka mariang, kiba iaid kat kum ka jingstad saian ha ki Jylla ka thain Shatei Lam Mihngi ka Ri India.
Haba pyntip ia kane lyngba ka Twitter, u Myntri Rangbah ka Jylla Conrad K Sangma ula ong “Sngewtynnad eh ban iashimbynta ha ka #EUIndia Global Gateway Conference ha Shillong.”
“Ka thain Shatei Lam Mihngi ka Ri India ka dei kaba la kyrkhu ban don ha kane ka bynta jong ka pyrthei, kaba don marjan bad bun ki Ri ka South East Asia bad namar kata, ka lah ban long ka khyrdop ban wanrah ia ka jingiadei ba iajan na ka bynta ka jingmyntoi ka India bad ka EU”.
“Ka spah riti dustur, ka spah mariang, ka jingdon ia u pud u sam uba jrong bad kiwei ki Ri ka dei ka lad ka kabu ba ka EU bad ka India ki lah ban shim bad pyndonkam lyngba ka jingiatreilang” ula ong.
Hopeful that this wonderful exchange will fructify into tangible outcomes in strengthening India and EU relations. Thank Sh. @RanjanRajkuma11 MoS, @MEAIndia & DG @KoenDoens for their presence and @EU_Partnerships, for hosting the inaugural function in Shillong.
— Conrad K Sangma (@SangmaConrad) June 1, 2023
U Myntri Rangbah ha ka twitter ula ong ruh ba u kyrmen skhem ba kane ka jingiasyllok kan sei ia u soh u ban pynkhlain ia ka jingiadei hapdeng ka India bad ka EU.
Ki Heh Ophisar jong ki Jylla ka Thain Shatei Lam Mihngi, Bhutan, Nepal bad Bangladesh lem bad ki kynhun na ki kompani shimet kila wan iashimbynta ha kane ka dorbar kaba sdang hynnin ka sngi bad kut mynta ka sngi.
