Shillong, Nohprah 14 : U Symbud Myntri Rangbah ka Jylla Bah Prestone Tynsong ula ong b aka hukum jong ka Iingkashari Meghalaya High Court, ba dang shen, kan ym ktah satia ia ka jingiakren pynbeit pud jong ka wat kaba ar hapdeng ka Sorkar Meghalaya bad ka Assam.
Ka Iingkashari Meghalaya High Court ha ka 8 tarik Nohprah, kala pynmih ia ka hukum ba pynsangeh ia ka jingiaphiah pud ne iathung mawpud ha ki jaka bala dep ban iapynbeit pud da ka Sorkar Meghalaya bad Assam tad haduh ka 6 tarik u Rymphang 2023.
“Ka hukum jong ka Iingkashari kan ym ktah satia ia ka jingiakren pynbeit ia u pud u sam jong ka wat kaba ar hapdeng ka Meghalaya bad Assam namar ka hukum kala pynsangeh tang ia ka jingiaphiah pud ne thung mawpud ym ia ka MoU bala iasoi” ong u Bah Prestone.
Ka Iingkashari kala pynmih ia kane ka hukum halor ka mukotduma bala mudui da ki saw ngut ki Khlieh Nongsynsahr ba kynthup ia u Syiem ka Jirang R Hamberly Wahlang, Acting Syiem ka Hima Mylliem Ainam Manik, Sirdar ka Nonglang Sirdarship Pholasly Nianglang bad Acting Chief ka Nongspung Syiemship Erald Jyrwa.
Ka Iingkashari kala buh ban bishar biang ia kane ka mukotduma ha ka 6 tarik u Rymphang 2023.
