Shillong, K’lyngkot 16 : U Myntri Rangbah ka Jylla Conrad K Sangma ula niew ba ka jingioh iashimbynta ki bar jylla ha ka elekshon ka Garo Hills Autonomous District Council (GHADC) kum ka kam kaba “eh bha” bad ka long kaba donkam ban hap pyrkhat bha.
Haba iakrren bad ki nongthoh khubor ha ka sngi Palei, u Conrad ula ong “Ka dei ka sobjek kaba jyrwit jyrwat bha, kam don satia ka jingsngew artatien halor kane bad la bun bun snem kala don ka jingiasaid bad ki sorkar ba mynshuwa hynrei kane ka jingeh ka iai don beit”.
U Myntri Rangbah ula pynpaw ia ki jingeh kiba don sawdong kane ka kam, haba kdew ia ki jingmut jong ka jingdon ki ADC, ka hok ban thep vote bad ka jingktah jong ki rai bala shim da ki Sorkar bala leit noh.
“Iano ka dei ban shakri pyrshah ia ki rai bala shim da ki Sorkar ha kitei ki por ban shah thep vote ha ka por ba thaw ia ka council-kumta ka dei ka jingeh kaba jwat bha,kam dei satia ka kam kaba ngi lah ban shu ong to ngin jam sahkhmat bad ong ba hangne ngi ieng, ngin ialeh ia kane leh ia katai-ka don shibun ki jyrwit jyrwat bad ki jingktah ha ki kyrdan bapher bapher” ula ong.
U Conrad ula kular ba ka party jong u, ka National People’s Party (NPP) ka dang bishar bniah ia kane ka kam bad kala pyn long ia ki jingiakren bad ioh ia ka lynti ban pynbeit kaba biang lang ia baroh.
 kum ka kam kaba “eh bha” bad ka long kaba donkam ban hap pyrkhat bha.){kind=link}