Shillong, Lber 15 : U President ka BJP Meghalaya Rikman G Momin ha ka sngi Thohdieng, ula ong ba ka Citizenship (Amendment) Act (CAA) ka dei ka lynnong kaba la khylliap ha Meghalaya namar ki jaka Sixth Schedule hapoh ka Jylla, kila lait na ka jingtreikam jong kane ka Ain.
Haba iakren bad ki lad pathai khubor, u Momin ula pynpaw ia ka jingsngewnguh ia ka Sorkar India bad khamtam eh ia u Myntri Rangbah Duh bad Myntri kam Pohiing Amit Shah namar ka jingburom ia ka jingsngew jong ki paid riewlum da kaba pyllait ia ka Sixth Schedule na ka Citizenship (Amendment) Act 2019.
“Ha ka act ba nyngkong u snem 1955, ki jingpyllait ia ki jaka Sixth Schedule kam don satia. Ia kane la wanrah ha ka Act 2019 da ka Sorkar BJP. Ka BJP ka kitkhia ia ka bha ka miat jong ki riewlum bad kala wanrah ia kane ka kyndon ban pyllait.Ka Sorkar BJP ka ngeit ha kaban shim ia ka jingmynjur jong baroh watla ia kane ka Act la mynjur naduh u snem 2019, ynrei ka Sorkar kala shim haduh 4 snem ka por shuwa ban pynmih ia ka Rules” ula ong.
“Mynta ba ka Meghalaya kala lait na ka CAA, kam don jingmut ia kito kiba pyrshah ba kin kren kyllain hynrei kum ki Nongshongshnong jong kane ka Ri kaba khraw, ngi dei ban iatreilang n aka bynta ka jingkiew shaphrang jong ka Ri” ula ong.
Nalor kane, u Momin ula pyntip ba dang shen haduh T. 15,000 klur la mang ban shna pynheh ia ka surok Umroi-Silchar n aka 2-lane sha ka 4-lane, kaba pyni ia ka jingkitkhia ka Sorkar u Modi ia ki paidbah bad ia ka roi ka par.
Une u Nongialam ka BJP ula kyntu ia ki paidbah ka Jylla Meghalaya ba kin kyrshan ia u kyrtong ban sa pynieng da ka party ha kane ka elekshon Lok Sabha ban wan khnang ba ka Meghalaya kum ka Jylla kan ioh ia shibun ki jingmyntoi da kaba phah ia 2 ngut ki MP ha kane ka kynti.
 Act (CAA) ka dei ka lynnong kaba la khylliap ha Meghalaya namar ki jaka Sixth Schedule hapoh ka Jylla, kila lait na ka jingtreikam jong kane ka Ain.){kind=link}