Shillong, Risaw 10: Ka Khasi Hills Autonomous District Council (KHADC) ha ryngkat ka World Bank bad ka Meghalaya State Pollution Control Board (MSPCB), hynne ka sngi Ba-ar, kila hiar jurip ia bun tylli ki jaka ha khapsor ka Nongbah Shillong, ban pyntreikam ia ka Solid Waste Management bad ban pynneh iaki tyllong ubam umdih.
Ia kane ka jingjurip la lamkhmat da u Chief Executive Member (CEM) Bah Pyniaid Sing Syiem ha ryngkat ki Nongmihkhmat ka World Bank bad ka Meghalaya State Pollution Control Board (MSPCB).
Kane ka kynhun kala hiar jurip nyngkong eh ia ka Wah Umkhen kaba don ha Them Basuk, Umpling ban pyntrei ia ka Solid Waste Management bad ban khmih ia ki tyllong um kiba donkam ban pynkhuid bad ban ai jingiada.
Hadien kane, kane ka kynhun kala hiar jurip ia ka Wah Umshyrpi, ia ka jaka hapoh ka shnong Mawlai Mawroh ban tei ia ka Resource Recovery Centre (RRC) bad ia ka Marten kaba don ha Mawlai.
