Nongstoin, Iaiong 01: Da ki phew tylli ki Iing bad bun tylli ki Shnong ka thain Ri-Muliang, West Khasi Hills, kila shah ktah jur ha ka eriong erngit kaba wan ban lynshop kynsan kynsan ha ka janmiet sngi U Blei ka 31 tarik Lber 2024.
Kane ka eriong kaba la wan ha ryngkat u slap uba jur, kala pynjulor buh eh ha ka thain Langpih, Tynghor, Umyiap bad kiwei kiwei ki shnong ba marjan.
Kane ka eriong kala pynkhyllem ruh ia ki post bording bad ki dieng ki siej ha ka thain bad la ong ba ki don ruh ki briew kiba la mynsaw na kane ka jingjia.
Kat kum ka jingiathuh u President ka HYC Ri-Muliang Pyllun samla Distarbor Wanniang, ula ong ba ka seng ka dang lum jingkhein mynta ia ki jingpynjulor jong kane ka eriong ha ka thain baroh kawei.
U iathuh ba tang ha ka shnong Tynghor, kila don haduh 15 tylli ki Iing kiba la shah pynjulor bad shah jynrat ka tnum ha kane ka eriong.
