Shillong, Jylliew 18: Ka jingtwa khyndew kaba shyrkhei kala jia ha ka thain Warding, East Khasi Hills na ka jingwan ka lyiur, kaba la pynjulor ia bun bah ki jaka rep bad ia ki marrep kiba la jan kot ia ka shiklur eiei.
Kane ka jingtwa khyndew kala jia myn ha ka 14 tarik Jylliew ha ka shnong Nongrim Warding bad Thyllaw Warding, kiba hap hapoh ka Mawsynram C&RD Block.
Kane ka jingtwa khyndew kala jia ha ka jaka rep kwai, sohmarit, tympew bad sla tyrpad.
U Rangbah Shnong ka Thyllaw Bah Personal Kharlyngdoh lem bad ki Nongkitkam Shnong, kila leit jurip ia kane ka jingtwa khyndew bad ki bri kiba shah ktah ba iashem ba ym don eiei shuh kiba dang sah na kane ka jingtwa khyndew.
Haba shim jingkhein ia ki jingduhnong, la pyntip ba ki jingthung jingtep kiba la julor kila kot hapdeng ka T.80 lak haduh T.90 lak eiei.
Ki bor shnong bad ki nongrep kila kyrpad ia ki bor Sorkar ba kin wan jngoh bad kner lem ia ki kti jingiarap sha ki lanot kiba shah ktah ha kane ka jingjia.
