Shillong, Jylliew 21: U Wankyrmen L Mawphlang bad ka Filinza Hansepi ki la ioh ia ka nam lahduh ha ka jingiakop mareh Open Event jong ki shynrang bad kynthei ha ka jingiakop mareh 6th Shillong 10K Run 2025, bala pynlong daka Meghalaya State Olympic Association.
Ia kane ka jingiamareh kaba man la u snem la ju pynlong ha ka sngi Saitjain kaba jan tam sha ka 23 tarik Jylliew, kaba la rakhe kum ka International Olympic Day, ban rakhe ia ka jingseng ia ka International Olympic Committee ha u snem 1894.
Haka sngi rakhe iaka International Olympic Committee la ju pynlong iaki jingiakop amareh kiba 10km ha kylleng ka pyrthei kynthup ha nongbah Shillong ha kaba da ki spah ngut ki nongmareh kila shim bynta kynthup rangbah bad ki samla.
Haka thup ki shynrang la wan ba ar da u Rangki Jonathan Pathaw bad u Rishanmehi Ryngkhlem ha ka kyrdan kaba lai.
Ha ka open women category, ka Filinza ka la wan ba nyngkong katba ka Angelista Syiemlieh ka la wan ba-ar bad ka Inocensia Tympuin ka long kaba lai.
Ha ka jingïakob marah 50-plus men’s veteran event, u Arvind Basaiawmoit u la wan ba nyngkong, u Lawrence Pariong bad u Dr Mario Danny Hek kila wan ba ar bad ba lai.
Ki lai ngut kiba wan hakhmat eh ha ka thup veteran women’s event ki kynthup ka kong Mena Mary Wahlang, ka Julina Wanniang bad ka Smarless Marwein kiba wan ha ka kyrdan ba nyngkong, ba ar bad ba lai.
U kong Kmoin Wahlang kaba long kum ka kongsan ha kane ka sngi kala pynkupburom iaki nongjop namar ialade ka khlem shim bynta haka jingiakop mareh.
Ka Kong Kmoin ka la ai ruh ia ka jingkren ai mynsiem ha kaba sdang ia ka jingiamareh ha kaba ka la ai khublei ia ki nongpyniaid bad ai mynsiem ia ki nongmareh ba kin thmu ban wanrah burom ia ka jylla bad iaka ri.
Kiwei pat kiba la ia don lang ha kane ka sngi ki kynthup u Assistant Director ka tnat Sports and Youth Affairs, u Bah Paia B War Nongbri, u MSOA General Secretary u Bah Finely L Pariat lem bad ki ophisar ka MSOA.
Iaka jingiakop marehl la sdang naduh ka jaka ieng kali ha madan Polo Ground shwa ban leit sha 4th Furlong, BK Bajoria School, PGT College, Shillong Commerce College, Shillong College, Don Bosco Square, Laitumkhrah Police Point, Laitumkhrah Police Beat House, Fire Brigade, St Edmund’s School, Dhankheti, Malki Civil Hopital State Mebra Point, Barik Point, Secretariat, ka ophis jong u Deputy Commissioner, ka ïing jong u Lat, ka pung jong ka Ward, ka ïing sah jong u Myntri Rangbah ka Jylla, ka Polo Bazar shwa ban pynkut pat ha madan Polo.
La sam khusnam pisa sha ki lai ngut kiba wan hakhmat eh ha kawei pa kawei ka thup mareh ha kaba ki nongjop kila ïoh T.5,000, kiba wan ba ar T.3,000 bad kiba wan ha ka kyrdan kaba lai T.2,000.
