spot_img

Jop u Chairman ka ULFA-I ia ka mukotuma ha UK, yn ym pynkynriah shuh sha India

Date:

Share post:

Guwahati, Jylliew 17:Ia u chairman ka ULFA-I u Mukul Hazarika ia u ba la tip ruh kum u Abhijeet Asom yn ym pynkynriah satia sha India bad kane kala wan jia hadien ka jingjop ia ka mukotduma hapoh ka iingbishar ha UK.

U Mukul Hazarika, u doktor u ba dei tynrai napoh Assam u la iakhun ia kane ka mukotduma halor ka jingthmu ban pynkynriah sha India halor ki jingkynnoh kam lehnoh.U Mukul u la shah kynnoh halor ka jingdonkti ha ki kam lehnoh bad ruh ba u dei u chairman jong ka ULFA-I.

Ka iingbishar ha UK ka la pynsngew ia kane ka phang bad pynksan ia u Hazarika halor baroh ki jingkynnoh ha kane ka sngi Palei ba la lah.U Mukul 75 snem rta u ba dei u nongshong shnong ka Britain, u dei u doktor napoh Cleveland ha ka thain shatei ka England.

Na ka liang ka sorkar India ka la dawa na ka bynta ka jingshim bishar halor ka jingkynnoh donkti ha ka ba hiar thma pyrshah ia ka sorkar India bad halor ka jingiasylla na ka bynta ban leh ia ki kam lehnoh ki ba long pyrshah ia ka kyndon ain UAPA.

Ka iingbishar jong ki magistrate ha Westminster ha ka jingshim bishar ki la ong ba la pynksan ia une u ba la shah kynnoh namar ki jingdonkam ki ba iadei bad kane ka jingujor  kim long satia ki ba pdiang hun.

Kam shym la don ka sakhi ka ba pynshisha ba une u briew u dei u Abhijit Asom, u chairman ka ULFA-I, ong u justice Michael Snow ka iingbishar ha Westminster, u ba la bynrap ruh ba kim shym la don ki sakhi satar ki ban pynshisha ba une u briew u dei u chairman ka ULFA-I lane halor ka jingdon bynta ha ka ba aijingkren hapoh ka ktem aijinghikai jong ka seng.

U Dr Mukul Hazarika ia u ba la tip ruh kum u Abhijeet Asom, la ong ba dei u chairman barim jong ka  ULFA-I ba la lamkhmat da u Paresh Baruah, u ba dei u doktor hapoh London dang shen u la shah tohkit ha ka tnat MI6 ban tip thikna ia ka kyrteng ba shisha ka jong u.

Katkum ki khubor la ong ba hadien ka jingshah tohkit, u Abhijeet Asom u la mih noh na ka ULFA-I namar ka jingsyier na ka jingshah pynkynriah noh sha India da ka sorkar United Kingdom.

Ha ka snem ba la dep, u hehduh ka seng ULFA-I u Paresh Baruah u la kam ba une u chairman ha katei ka por u Abhijit Asom ka dei tang ka ba shu thaw hi da ki bor pahara bad ki tnat syntiat.

 

Share post:

spot_img
spot_img

Popular

More like this
Related

Dawa tohkit ka HYC ba thied ban supply ia ki tin sop iing ba tad dor

Shillong, Jylliew 21: Ka Hynniewtrep Youth Council (HYC) ha...

Gherao ki BSF ia ka Umkiang Police Patrolling Post ba shah kem ki shipai jrong kti ia ka Khynnah

Shillong, Jylliew 21 : Ka kynhun ki shipai Border...

Meghalaya Secures 300 Acres for Umiam Tourist Hub, Plans Helicopter Services

Shillong, June 20: Chief Minister Conrad Sangma chaired a...

Liem ka Champion haka Christian HSS | Ïoh ka Ri-bhoi ïaki Skul ban mihkhmat sha State Level

Nongpoh, Jylliew 19: Ka lympung ïalehkai ball jong ka...
spot_img