Shillong, Rymphang 28: U MDC ka Voice of the People Party (VPP) uba la jop ha ka sien kaba nyngkong na Lyngkyrdem-Laitkroh Bah Shemborlang Rynjah hynne ka sngi Thohdieng ula shah jied khlem kano kano ka jingpyrshah kum u Chief Executive Member (CEM) bathymmai jong ka Khasi Hills Autonomous District Council (KHADC) bad u MDC ka Mawkhar-Pynthorumkhrah u Bah Strong Pillar Kharjana ula shah jied kum u Chairman bathymmai jong ka Council khlem kano kano ka jingiakhun.
Hadien ba u Bah Strong Pillar ula shimti ia ka kam Chairman, ula pynlong ia ka dorbar ban jied ia u CEM ba thymmai bad ula pynbna ba u Bah Shemborlang ula shah jied kum u CEM khlem kano kano ka jingpyrshah, hadien ba ki Liang Pyrshah kim shym la pynieng kyrtong ban iakhun pyrshah ha ka elekshon.
U Bah Shemborlang Rynjah ula shah pynkup burom ha ki MDC haba leit ban shimti ia ka shuki CEM hapoh ka iing dorbar jong ka Council.
Haba kren hapoh Dorbar, u Bah Shemborlang Rynjah ula ong, “Nga ai khublei ia ka seng khamtam eh ia u President Bah Ardent Miller Basaiawmoit uba la iohi ba nga long u kyrtong uba biang jong ka seng bad uba la don ruh ia ka jingshaniah ha nga ba ngan shim ia ka jingkitkhlieh ban ialam ia ka KHADC kum u CEM.”
“Nga ai khublei ia ki paidbah jong ka Langkyrdem-Laikroh constituency kiba la jied ia nga kum u MDC u joingki. Nga duwai ha u Blei ba yn ai ha nga, ia ka jingstad bad jingshemphang ba ngan lah ban pyndep ia ki kamram da ka jingsngewrit bad da ka jingkitkhlieh” ula ong.
U CEM bathymmai ka KHADC ula pynthikna ruh ban pynurlong ia ki jingkular jong ka seng ban ai ia ka jingsynshar khaddar kaba khuid bad ual ong, “Nga dei tang ka durkhmat kaba thymmai hynrei nga la long pat uba la pynkhreh ban pdiang ia kino kino ki jingai jingmut ne jingkynthoh. Ka jingkhang ka jong nga ka plie ia baroh. SNgew long kiba sngew kylluid ban wan rung ha kano kano ka por” ula ong.
“Nga pynthikna ruh ban shakri ia ka Council khlem ka jingshah liang iano iano ruh” ula bynrap.
U CEM ba thymmai ula pan ruh ia ka jingkyrshan bad jingiatreilang na ki MDC kiba don ha ka Liang Pyrshah bad ula ong, “Nga kyntu ia phi ba leh ia ka bynta ne ka kam kaban tei ruh”.
 uba la jop ha ka sien kaba nyngkong na Lyngkyrdem-Laitkroh Bah Shemborlang Rynjah hynne ka sngi Thohdieng ula shah jied khlem kano kano ka jingpyrshah kum u Chief Executive Member (CEM) bathymmai jong ka Khasi Hills Autonomous District Council (KHADC) bad u MDC ka Mawkhar-Pynthorumkhrah u Bah Strong Pillar Kharjana ula shah jied kum u Chairman bathymmai jong ka Council khlem kano kano ka jingiakhun.){kind=link}