Shillong Nailur 28: Ha ka sngi rakhe ia ka World Tourism Day, ha ka sngi Thohdieng, ka shnong Umden bad Mawphlang kiba na ka jylla Meghalaya kila ioh ia ka khusnam kum ki Best Tourism Villages Competition 2024 kaba la pynlong da ka tnad jngohkai jong ka Sorkar Pdeng.
Ka shnong Umden kala jop hapoh ki kam shna jingshna ne Craft bad ka shnong Mawphlang kala jop ha ki kam hiar pateng ne Heritage.
Ban kyntiew ia ka kam jngohkai ha ki shnong kiba don ha kylleng ka ri India, ha u snem 2023 la sdang ia ka jingiakhun Best Tourism Villages Competition ban peit bad ban ai jingithuh ia ki shnong kiba pynneh bad kyntiew ia ki jingdon jingem ha ka deiriti bad ka mariang lyngba ki jingngeit tynrai ha ka imlang sahlang bad ka jingieng skhem na ka bynta ka jingiaineh ha baroh ki bynta.
Ka bynta kaba nyngkong jong ka jingiakhun Best Tourism Villages Competition ha u 2023 la ioh pdiang ia ki aplikeshon na ki 795 tylli ki shnong, katba ha ka bynta ka baar jong ka jingiakhun Best Tourism Villages Competition, la ioh pdiang 991 tylli ki aplikeshon na ki 30 tylli ki Jylla bad Union Territory bad na kine 36 tylli ki shnong kila ioh ia ka jingithuh kum ki nongjop ha 8 tylli ki thup jong ka jingiakhun Best Tourism Villages Competition 2024.
Ki nongjop baroh ki long kumne harum:-
