Shillong, Risaw 20 : Ka samla na Mawlai Nonglum, kala ioh rah ia ka nam lahduh ha ka jingiakop mareh Open 10Km jong ka Vedanta Delhi Half Marathon kaba long hynne ka sngi ha Nongbah Delhi.
Kane ka samla ka dei ka samla Balasiewdor Pathaw na ka shnong Nongthliew bad ba shong ba sah ha Mawlai Nonglum. Ka dei kaba dang pule BA 1st Semester ha Shillong College.
Kane ka samla kala jop ha ka jingiakhun jong ki samla kiba hapdeng ka rta ba 15 haduh 24 snem.
Kane ka dei ka sien ba nyngkong ba kane ka samla kala mih ban leit mareh shabar ka Shnong lajong bad ka Jylla.
Kane ka samla kala pyndep ia kane ka jingmareh ha ka 42:47 minit.
Kaba wan ba-ar ka dei ka samla Urvashi Sharma kaba la pyndep ha ka por ba 42:54 minit bad kaba wan ba-ar ka dei ka Vidyashree Mahadevan kaba la pyndep ha ka por ba 46:58 minit.
