Shillong, Jylliew 17: Ka Miss Meghalaya Organisation hapoh ka jingpeit jong ka Meghalaya Tourism Youth Development Society (MTYDS), ka la pynbna ba ka samla Chaivalry Lartang kala ioh khur ia ka nam jop kum ka Miss Universe Meghalaya 2025.
Lyngba kane ka jingjop, ka samla Chaivalry kan mihkhmat ia ka Meghalaya haka Miss Universe India 2025.
Ïa kane ka jingiakop ban jied ïa ki thei bhabriew jong ka Jylla la pynlong haka 14 tarik Jylliew ha Hotel Vivanta, Khyndailad, Shillong, ha ka jingïakhun kaba jur bha ha kaba la ïashim bynta da ki katto katne ngut ki thei bhabriew na kylleng ka Jylla Meghalaya.
Ia kane ka jingiakop la pynlong lang da ka MTYDS bad ka Miss Universe India.
Ka kynhun nongbishar ka kynthup u Amjad Khan, u Director ka Franchise Operations na ka bynta ka Miss Universe India; Ka Aqsa Varghese, Miss Universe Kerala 2024 bad ka Irene Dkhar, Miss Tourism India.
Ka Chaivalry, kaba la ïoh mynshwa ïa ka kyrdan 1st Runner-Up ha Miss Meghalaya 2024 ka la pynhun ïa ki nongbishar da ka jinglong jemnud, ka jingshaniah, bad ka jingitynnad jong ka.
Ka samla kala thmu ban sdang ia ka jingpynkhreh bad jingshahnhikai ha Delhi katba ka dang pynkhreh ban shim bynta haka Miss Universe India 2025.
Ki nongpyniaid ki la pynpaw ia ka jingsngew sarong kaba khraw ia ka jingjop jong ka Chaivalry, da kaba khot ia ka “ka nongkit khubor ba shisha jong ka jingitynnad, ka sap, bad ka mynsiem jong ka Meghalaya.”
, ka la pynbna ba ka samla Chaivalry Lartang kala ioh khur ia ka nam jop kum ka Miss Universe Meghalaya 2025.Lyngba kane ka jingjop, ka samla Chaivalry kan mihkhmat ia ka Meghalaya haka Miss Universe India 2025.){kind=link}