Guwahati, Jymmang 02 : Ka Samla na Arunachal Pradesh Millo Sunka kala ioh rah ia ka khusnam kum ka puron bat bit eh na ki kynthei ha ka Prisma Rome International Film Award 2023, na ka phlim ba ka ak ka ‘Noctural Burger’
Kane ka Samla kala pynshohbiej da ka jingtbit jong ka ban ak ha kane ka phlim.
Ka Millo Sunka ka dei ka Khun u Millo Tago bad Millo Yalyo, uba dei u Indian Forest Service, na Tajang, kaba don ha Lower Subansiri District.
Kala pynlut ia ka por khynnah jong ka ha ki jaka kyndong ka Karnataka hashuwa ba kan leit sha Bangalore, sha ka jaka trei jong u Kpa.
Ka dei ka puron ba nyngkong eh na Arunachal ban ioh ia ka khusnam kum ka puron bat bit eh ha ka kyrdan International.
Ia ka Noctural Burger la pyni nyngkong eh sha ka pyrthei ha ka Sundance Film Festival-2023, kaba dei ka tamasa pyni phlim jong ka ri United States.
