Shillong, Risaw 21 : Ka National Institute of Technology (NIT) Meghalaya kala ioh pdiang ia ka khusnam 10th Higher Education Excellence Award ha ka kyrdan “Excellence in Creating Employment” ha ka 19th FICCI Higher Education Summit 2024, kaba la long haka 18 tarik u Risaw ha New Delhi.
Ia katei ka khusnam la aid a ka Federation of Indian Chambers of Commerce & Industry (FICCI), kum ka jingithuh ia ki jaka pule kiba la trei shitom ha kaban noh synniang bad ban long nongialam ha ka liang ka Higher Education. Ka NIT Meghalaya kala ioh ia ka jingithuh ha ka jinglah ban thaw ia ki lad ban pyniohkam pyniohjam bad ka jingtrei khlem shongthait na ka bynta ban saindur ia ki samla pule ban iohkam.
Ha katei ka jingialang kaba kongsan la wan ban iashimbynta da ki riewpawkhmat ha ka liang ka pule puthi, ki heh ophisar sorkar bad ki nongialam na kylleng jong ka ri.
Ka FICCI’s Higher Education Excellence Award kadei kaba la ai hadien ka jingkhmih bniah bha, ha kaba ki jaka pule ki shah peit bad shah khmih halor kiba bun ki bynta kiba kynthup ia ka jingshna ia kiei kiei kiba thymmai, ka jingkylla bad ka jingtbit.
Ka NIT Meghalaya kala pynpaw ia ka jingsngewnguh ia ki nonghikai, ki nongtrei,ki samla pule bad baroh kiba donbynta ba dei lyngba ka jingtrei shitom lang ba kila lah ban ioh ia katei ka jingithuh.
Kane ka jaka pule kala iengskhem ha ka jingkular ban kyntiew shuh shuh ia ka pule puthi bad ban thaw ia ki lad ki lynti kiba bha ha kaban iohkam iohjam, da ka jingthmu ban wanrah ia ka jingkylla ia ka imlang sahlang ha kaba iadei bad ka jingaiid lynti ban ioh ia ka jingnang jingstad.
 Meghalaya kala ioh pdiang ia ka khusnam 10th Higher Education Excellence Award ha ka kyrdan "Excellence in Creating Employment" ha ka 19th FICCI Higher Education Summit 2024, kaba la long haka 18 tarik u Risaw ha New Delhi.){kind=link}