Shillong, Jylliew 30: Ka 9th Meghalaya State Shooting Championship 2024 kala kut noh ha ka sngi Saitjain ha kaba ka kynhun jong ka East Khasi Hills kala long ka lahduh ha kane ka jingiakop da kaba ioh khur 33 tylli ki takma katba ka West Garo Hills kaba la khur 8 tylli ki takma kala wan baar.
Kane ka jingiakob kaba 5 sngi kala sdang ha ka 26 tarik u Jylliew ha ka Shooting Range kaba don ha Shillong, ha kaba ki nongiasiat na kylleng ki bynta jong ka jylla kila wan ban iashimbynta ha ka jingiakop siat ha ka kyrdan 10M Air Rifle, 10M Air Pistol, 25M Sports Pistol, 50M Free Pistol bad 50M Rifle Prone.
Ka East Khasi Hills District kaba long ka lahduh kala iohkhur 9 tylli ki Takma Ksiar, 9 tylli ki takma Rupa bad 15 tylli ki Takma Rnong, katba ka West Garo Hills kaba la wan baar kala khur 2 tylli ki Takma Ksiar, 2 tylli ki takma Rupa bad 4 ka Takma Rnong.
Ki katto katne ki nongjop ki kynthup: Veronica Buhroy: Takma Ksiar ha ka 10M Air Rifle Championship Senior Women Individual
Dennyson Kyrsian: Takma Ksiar ha ka 10M Air Rifle Championship Senior Men Individual
Kopal Dubey: Takma Ksiar ha ka 10M Air Rifle Youth Women Individual Shashank: Takma Ksiar ha ka Gold ha ka 10M Air Rifle Youth Men Individual – Mawdaker Marwein: Takma Ksiar ha ka 25M Standard Pistol Senior Men Individual
Toiabha Mylliempdah: Takma Ksiar ha ka 25M Sports Pistol Senior Women Individual.
Davis N. R. Marak: Takma Ksiar ha ka 10M Air Pistol Championship Master Men Individual bad Takma Ksiar ha ka 25M Centre Fire Pistol Master Men Individual.
Walsall Momin: Takma Rupa ha ka 25m Centre Fire Pistol Senior Men Individual bad Takma Rnong ha ka 10m Pistol Mixed Team da kaba lehkai lang bad ka Sumita.
Amalisha Sangma: Takma Ksiar ha ka 50M Rifle Prone Women Individual bad 50M Rifle Open Sight Women Individual Offline.
Tengsilchi Marak: Takma Ksiar ha ka 50M Rifle Open Sight Women Individual Online.
Rangku Oris N. Sangma: Takma Ksiar ha ka 10M Air Rifle Championship Master Men Individual.
Emarian Tenganchi M Marak (NCC): Takma Rnong ha ka 10m air rifle Championship Junior Women Individual, ha ka 10m air rifle Championship Youth Women Individual bad ha ka 50m rifle Open Sight Women Individual Offline.
Bongacheng Marak: Takma Rnong ha ka 50m Rifle Open Sight Men Individual Online
Ha ka Team Event, Kopal Dubey bad Khrawboklang Jyrwa kila ioh iaka Takma Ksiar ha ka 10M Rifle Mixed Team event, katba u Thomas bad Maw kila ioh ia ka Takma Ksiar ha ka 10M Pistol Mixed Team event.
Ia kane ka jingiakop la pynhap pyrda ha ka jingiphuh iphieng ha kaba ki nongjop kila ioh pdiang ia ki takma bad ki sertiphiket bad la wan ban iashimbynta ha katei ka jingialang da ki heh ka sorkar jylla bad na ka Meghalaya Shooting Association.
