Shillong, Jymmang 31: Ka kynhun State Disaster Rescue Force (SDRF) kala ioh ban sei sa kawei ka metiap haka jingjia twa khyndew ha ka shnong Nongpriang, ka ba hap ha Sohra Civil Sun Division, East Khasi Hills.
Ia kane la pyntip da u Deputy Commissioner ka East Khasi Hills u SC Sadhu haba iathuh ba ia kane ka metiap la lap hynne ka step.
Kane ka metiap ka dei jong u Khynnah 16 snem bala tip kyrteng u Lumlang Riahtam.
Kat kum ka jingong jong u, sa arngut ki briew ki dang jah ha kane ka jingjia khyndew bad ka jingwad ia kine ki briew ka dang iaid shaid shaid.
U DC ula iathuh ba ka kynhun SRDF ka la pyndonkam kat kaba don ki lad ban lap ia ki 2 ngut kiba dang jah rngai.
Lah ban kdew hangne, ha ka 30 Tarik Jymmang 2024, 4 ngut ki briew ki la suba shah tap im hadien ba ka ing ka ba ki sah ka la shah ban ha ka khyndew ka ba twa ha Nongpriang.
