Shillong, Naitung 20 : Ka Iingkashari District & Session Judge, Shillong, kala pynjlan ia ka judicial custody sa 14 sngi ban set ia ka Sonam Raghuvanshi bad ia u samla jong ka, u Raj Singh Kushwaha.
Ka hukum, bala pynmih da Judge DKK Mihsil ha ka 18 tarik Naitung, la bthah ba ka Sonam bad u Raj, kiba iasylla ban pyniap ia u Raja Raghuvanshi, ki dang dei ban shah set shuwa hapoh ka judicial custody.
Ha ka 17 tarik Naitung, ka Iingkashari kala pynmih ia kum kajuh ka hukum pyrshah ia ki laingut ki briew kiba pyniap ia u Raja-Akash Rajput, Anand Kurmi bad Vishal Chauhan. Ia ka jingbishar la pynlong lyngba ka video conferencing.
