Shillong, Jylliew 22 : Ka kynhun Special Investigation Team (SIT) ki Pulit ka Jylla Meghalaya, ha ka sngi U Blei, kila ioh lum ia ka sakhi ba kongsan bha halor ka jingshah pyniap u Raja Raghuvanshi bad kane ka sakhi ka dei ka synduk iong jong ka Sonam bala ieh ha ka flat, ka iing ba ka rieh ha Indore hadien ka jingpyniap ia u Raja.
Hynrei ia kane ka synduk la dep ban thang ingkhong da u nongkhaii nongkynti Silome James, uba ki Pulit kila kem halor ka jingaiwai ia kane ka flat sha u Vishai Singh Chauhan, uwei na ki nongpyniap ia u Raja Raghuvanshi.
Da kane ka jingiohkem, u Silome James, ula ialam ia ki Pulit sha ka jaka ba u pyrshang ban thang ingkhong ia kane ka synduk kaba thep ia baroh ki tiar ki tar jong ka Sonam Raghuvanshi, kaba suhbuit ban pyniap iala u kurim Raja Raghuvanshi.
Kane ka jaka, kaba don ha MR3 Hare Krishna Vihar ha Indore, ka pyni ia ka jingjia kaba pyrshang ban pynjot pynjulor ia ki sakhi. Ki Pulit kila lap ia ka jaka hynrei baroh ki tiar ki tar ha kane ka pla, kila ingkhong lut.
U Superintendent of Police ka East KHasi Hills, Bah Vivek Syiem ula pynthikna ia kane ka jingshem bad ong “Ka kynhun Forensic kala wan ban lum ia ki tiar ba dang sah. Ngin sap hah tohkit ha ka CFSL (Central Forensic Science Laboratory).
Kabe ka synduk iong la ong ba ka don ia ki sakhi kiba kongsan ha kane ka case. Ka khubor ka iathuh ba ka kynhun ka SIT kala wad ia kane ka synjuk la 5 sngi eiei ha Indore. Kila leit wad ha ka Iingsah ka Sonam Raghuvanshi bad ha ka Ophis jong ka karkhana plywood ka Iing jong ka bad ruh ha Ophis u hynmen nalor ka jingtohkit ia ki bahaiing hasem lem bad ki nongtrei.
La iathuh ba hapoh kane ka pla, ka don ka pisa ba T.5 lak, kawei ka pistol country made, ka phone jong ka Sonam bad ki jingdeng rem dor jong u Raja Raghuvanshi.
Ka SIT kala kem ia u Silome Hames ha ka miet sngi saitjain na Bhonrasa Toll Gate, kaba hap ha Dewas District. La iathuh ba une u briew ula pyrshang ban phet krad.
Nalor une u briew, ka SIT kala kem ruh ia uwei u Security Guard jong ka flat ba kyrteng u Balbir Ahirbar ba ju khot sin u Ballu. Ia une u briew la kem ha ka sngi U Blei bad la ngeit ba u don ia ki jingtip ba kongsan halor ka jingrung jingmih jong ka Sonam bad kiei kiei kiba jia hapoh kane ka flat.
U Silome James ula aiwai ia kane ka flat sha u Vishal Singh Chauhan, uwei na ki nongpyniap, katba ka Sonam kala sah ha kane ka flat ia palat 10 sngi hadien ba ka wan phet na Sohra. Ki video CCTV ki pyni ba u Silome ula kit ia ka pla jong ka Sonam na kane ka flat hadien ba ka shah kem, kaba la pynlong ia ki Pulit ban wad ia kane ka sakhi.
Ia u Silome bad ia u Ballu yn sa rah tiar bishar ha Iingkashari ha Indore bad ka SIT kan sa pan jingbit ban wankit ia ki sha Shillong na ka bynta ka jingtohkit kaba bniah.
 ki Pulit ka Jylla Meghalaya, ha ka sngi U Blei, kila ioh lum ia ka sakhi ba kongsan bha halor ka jingshah pyniap u Raja Raghuvanshi bad kane ka sakhi ka dei ka synduk iong jong ka Sonam bala ieh ha ka flat, ka iing ba ka rieh ha Indore hadien ka jingpyniap ia u Raja.){kind=link}