Shillong, Naiwieng 10 : U Superintendent of Police ka East Khasi Hills Bah Vivek Syiem, ha ka sngi Nyngkong ula iathuh ba ka jingpynkhreh ia ka chargesheet ba-ar halor ka jingshah pyniap u nongkhaii na Indore (L) Raja Raghuvanshi kala iaid shakhamt bad la khmiy lynti ban sa aiti noh sha Iingkashari ha ka taiew ba lai jong u Naiwieng.
Ula pyntip ba mynta ka Tnad ka dang ap ban ioh pdiang ia ka kaiphod forensic na ka CFSL, Hyderabad.
“Ka jingpynkhreh ia ka Chargesheet kala iaid shakhmat. Shisien ba ngi la ioh ia ka kaiphod forensic na ka CFSL, Hyderabad, ngin sa lah ban aiti noh ia ka chargesheet ba-ar. Ka jingiohpor jong ngi ka long ban aiti ha ka taiew ba nyngkong u Nohprah hynrei hapoh ka taiew ba lai u Naiwieng, ngi dei ban aiti noh ia ka chargesheet” ong u bah Vivek haba iakren bad ki nongthoh khubor.
“Ngi la tei ia ka case kaba khlain bha bad ka SIT kala pynkhreh ia ka chargesheet kaba khlain bha” ula ong.
Ula ong ba ka rai ai bah jamin kan shong eh ha ka iingkashari haba bynrap ba ki Pulit kila lum la biang bha ia ki sakhi ban kyrshan ia ki jingkynnoh baroh.
Ki nongshha kynnoh, kynthup ka kurim u Raja, ka Sonam Raghuvanshi bad saw ngut kiwei pat, ki dang don mynta ha ka along. Ki Pulit ki dang ap ia ka kaiphod forensic ban pyndep ia ka chargesheet.
 Raja Raghuvanshi kala iaid shakhamt bad la khmiy lynti ban sa aiti noh sha Iingkashari ha ka taiew ba lai jong u Naiwieng.){kind=link}