Shillong Nailar 20: Ka jingpang ‘niangmat’ ne saw ki khmat ia kaba la tip kum ka conjuntivitis, ka dei ka jingdait jong ka Conjunctiva, kaba stang bha, ki thied kiba shai kiba iaid hapoh jong ki khmat bad kiba tap iaka bynta ba lieh jong ka khmat.
Ia ka Conjuntivitis lah ban ioh na u khniang jingpang ne jingdait buit lyngba ka tdem ne kino kino ki kynja Chemical.
Ka jingpang niang mat ka long kaba ia bit bad kaba lah ban saphriang na uwei u briew sha uwei pat lyngba ka jingiapeit mar kylliang ne da kaba ktah ia ki bynta kiba jaboh. Ki dak ki shin jong ka jingioh ia katei ka jingpang ka long ka jingsaw, jingdait, ka jinglang um ki khmat bad la ai jingsumar da ki dawai pynjaw khmat.
Kaei kaba phi dei ban tip ia kaei kaba dei ban leh bad ia kaei kaba dei ban kiar
Ban leh
Sait ia ki kti man la ka por da ka sabon bad ka um ne da ka Handwash ban iada iaka jingsaphriang ka jingpang niangmat.
Kino kino kiba don iaka jingpang niangmat kidei ban kiar na kiwei pat, kidei ban kiar iaka leit skul, college, ophis ne kino kino ki jaka paidbah.
Dei ruh ban deng ia ki iitkhmat ne iitkhmat iong ban tehlakam ban ym pynsaphriang ka jingpang.
Dei ban iasyllok mardor bad u Doctor.
Bym dei ban leh
Wat nym kyrjaw ia ki khmat da ki kti.
Ym dei ban ai ia kino kino ki jingpyndonkam kiba iadei bad ki khmat sha kiwei pat kiba kynthup ia ki jain niad, Lens, iitkhmat, ki tiar Make Up bad kiwei kiwei.
Dei ban kiar ha ka jingpyndonkam ia ki Eye Lens bad Make Up haba don iaka jingpang niangmat.
Kiar ban sumar hi dalade ne ban dih hi ia kino kino ki dawai khlem da iasyllok shwa bad u doctor.
Pule lang ia kane: Manipur : Shah siat iap u rangbah ba 53 snem ha Churachandpur
Peit lang ia kane
Ka rynsan khubor digital ba pura ka Meghalaya da ka ktien Khasi.
Balei ban ap ia ka lashai, haba ki khubor ki mih mar syn jia!
Bud ia ka Ki Khubor na ka Shlem ban ioh ia ki khubor ba dang shu jia bad ba thymmai!
