Shillong, Jymmang 12: U Symbud Myntri Rangbah ka Tnad kam Pohiing (Police) Bah Prestone Tynsong, ula ong ba ka sorkar jylla kala shimkhia bha halor ka jingwan rung u drok ha Jylla bad kala pyntreikam ia ka Drug Reduction Elimination & Action Mission (DREAM), ban pynlong ia ka Meghalaya kaba lait na u droks (Drug free Meghalaya).
U Bah Prestone ula ong “Ka Tnad Pulit kala thaw ia ki Task Force, kiba treikam baroh 24 kynta ban iakhun pyrshah ia ka jingwan rung u droks” haba bynrap “. Phi iohi hi, jan man la ka sngi la kem ia ki nongkhaii ba wanrah ia u drok bad kiwei kiwei ki jingdih pynbuaid sha jylla Meghalaya”.
“Ka long kaba donkam bha ban khanglad ia ki nongkhaii drok namar ki nongdih haba ki ioh ki dih ia u drok” ula ong.
U Bah Prestone ula ong “Ka jingkitkhlieh kaba khia bha ia ngi, ka long kumno ba ngin pynsangeh ia ki nongkhaii drok lane ban ioh ban kem bad ban pynshitom katkum ka ain ia kine ki nongkhaii drok”.
Ula ong ba ka mishon DREAM ka dei ka lynti bala shim da ka Sorkar ban iakhun ia u droks ha Jylla, kaba la iasnohkti lang da ki Dorbar Shnong, ki Seng Niam, ki kynhun seng bapher bapher.
U iathuh ba lyngba kane ka mission, ka Tnad Social Welfare kan pynkha ia ki Rehabilitation Centre ban ai jingsumar ia ki briew kiba la kyrni dih droks bad kan buh ruh ia ki councelling centre ban iasyllok ba kin kylla kaba mut bad ba kin ym mlien shuh.
 Bah Prestone Tynsong, ula ong ba ka sorkar jylla kala shimkhia bha halor ka jingwan rung u drok ha Jylla bad kala pyntreikam ia ka Drug Reduction Elimination & Action Mission (DREAM), ban pynlong ia ka Meghalaya kaba lait na u droks (Drug free Meghalaya).){kind=link}