Shillong, Jylliew 09 : Ka kurim u Raja Raghuvanshi, ka Sonam Raghuvanshi kala leit pyndem ialade hakhmat ka ain hynnin ka miet sngi U Blei ha Nandgank Police Statio, Gazipur District, Uttar Pradesh.
Ki Pulit ki iathuh ba kila ioh kem ia uwei u runar na Uttar Pradesh bad arngut na Indore, Madhya Pradesh.
Ki Pulit ki iathuh ba ka kurim u Raja, kala wan ban pyndem hi dalade hakhmat ki Pulit ha Uttar Pradesh.
Ha ka jingkhynra, ki Pulit kila ioh ban kem ia baroh kiba donkti ha ka jingpyniap ia u Raja.
U Myntri Rangbah ka Jylla Conrad K Sangma ula ai ka jingiaroh ia ki Pulit ka Jylla Meghalaya halor kane ka jingiohkem ia ki runar bad ka jingwan pyndem ka Sonam.
Ha ka tweet, ula ong “Hapoh 7 sngi, ki Pulit ka Jylla Meghalaya kila lah ioh ia u soh ha ka jingpyniap ia u Raja…lai ngut ki nongpyniaid kiba dei na Madhya Pradesh la ioh ban kem, ka Kynthei kala leit pyndem hi bad ka jingkhynra ka dang iaid ban ioh kem sa uwei….Phi la treikam bha Meghalaya Police”.
