Shillong, Jylliew 27 : Ka Sorkar Meghalaya ha ka sngi Thohdieng kala pynbna ba ka jingiasoi ia ka Memorandum of Understanding (MoU) ba pura bad ka Assam halor ka kam pud kam sam, kam long ha ka 15 tarik Nailar, bad 5 tylli ki Shnong kiba hap hapoh ka Thain Ri-Bhoi kin sa wan phai noh sha Meghalaya.
“Ngan pynkynmaw ia phi ba hashuwa ka 15 tarik Nailar, ngin sa iasoi pura ia ka MoU bad ka Sorkar Assam ha kaba haduh 5 tylli ki Shnong thymmai kin sa wna phai biang sha ngi” ong u Nongaiktien ka Sorkar MDA bad Myntri Sorkar Bah Paul Lyngdoh haba iakren bad ki nongthoh khubor.
Ula pyntip ba ki 5 tylli ki Shnong ki hap hapoh ka Ri-Bhoi District, kaba pyni ia ka jingkylla kaba khraw ha ka jingpyrshang ban pynbeit ia ka jingiakajia pud hapdeng ki ar Jylla kaba la leh la bun phew snem.
Haba kren halor ka jingiai mih ki jingkulmar halor u pud u sam wat hapdeng ki jingiakren pynbeit pud ha ki kyrdan bapher bapher, u Bah Paul ula ong “Ngi la nang jan sha ka jinglah pynbeit”.
Haba kren halor ka thain Langpih kaba bun ki jyrwit jyrwat, kaba dei khmih da ka Regional Committee ba u khlieh hi, u Bah Paul ula ong ba baroh ki jingiakren kila dep lut. “Kaei kaba donkam mynta ka long ka jingialeit jurip lang bad ka Regional Committee na Assam” ula ong.
Haba jubab ia ki jingkynnoh ba ka Sorkar kam shym la lah ban ai jingiada ia ki nongshongshnong ka Lapangap na ka jing kyntur pud bad jingpyndik ki briew Sorkar na Assam, u Myntri ula pynksan ia ki kam ka Sorkar bad ong “Ngin jin da la phah ia ka kynhun ki Pulit bad ki magistrate ban ialeh pyrshah ia ki briew na Assam lada ngim shym la leh eiei. Kam iahap satia ban ong ba ka Sorkar kala leh khyndiat eh” ula ong.
 ba pura bad ka Assam halor ka kam pud kam sam, kam long ha ka 15 tarik Nailar, bad 5 tylli ki Shnong kiba hap hapoh ka Thain Ri-Bhoi kin sa wan phai noh sha Meghalaya.){kind=link}