Shillong, K’lyngkot 06 : Ka Meghalaya Human Rights Commission (MHRC) kala bthah ban aiti ia ka kaiphod jingtohkit kaba bniah halor ka shibnai halor ka jingiap ki arngut ki briew namar ka jingkynnoh pynbthei bomb dynamite ha kawei ka par dewiong ha shnong Thangsko.
Ka kyrwoh bala pynmih da u Secretary ka MHRC L CH Marak ha ka sngi Ba-ar ka ong “Ka MHRC kala shim suo motu case haba iadei bad kane ka jingiap ki 2 ngut ki briew ha shnong Thangsko, ha East Jaintia Hills..hadien ka jingkynnoh pynbtheo bomb dynamite ha ka par dewiong”.
“Ka Commission kala phah notice sha u Chief Secretary, ka Sorkar Meghalaya, ba un thung ia ka jingtohkit ba mardor bad ban aiti ia ka kaiphod jingtohkit sha ka Commission hapoh ka shibnai” kala ong.
Tang ka jingiap jong uwei u briew ka dei kaba la pynthikna haduh mynta bad une u dei u Ashok Tamang. Une u briew ula khlad na ki jingpdung ding ha ka 1 tarik Kyllalyngkot hadien ka jingsumar ha Shillong Civil Hospital.
Ka khubor ka iathuh ba haba nyngkong, ia u Tamang la rah sumar shuwa ha Sutnga Primary Health Centre ha ka 23 tarik Nohprah shuwa ban pynkynriah ia u sha Shillong Civil Hospital namar bala jur palat ka jingmynsaw.
Ia uwei u briew pat, ia kaba la kam ba ula iap lang ha kane ka jingjia, ym pat shym la lah ban pynthikna haduh mynta hynrei ka khubor ka iathuh ba la suba jur ba u dei u nong Bangladesh.
 kala bthah ban aiti ia ka kaiphod jingtohkit kaba bniah halor ka shibnai halor ka jingiap ki arngut ki briew namar ka jingkynnoh pynbthei bomb dynamite ha kawei ka par dewiong ha shnong Thangsko.){kind=link}