Shillong, Naitung 09 : Ka Sorkar Jylla ka dang bishar ia ki lad ki lynti la kan shu pynkhlain ia ka Meghalaya Residents, Safety and Security Act (MRSSA), 2016 lane wanrah da kawei ka ain ka ban pynthikna ia ka jingshngain ki nongleit nongwan ha Meghalaya haba buh hakhmat ia ka jingkylla ka jinglong jingman bad ka jingnang jur ka jingwan rung tuh ki briew na Bangladesh.
U Nongaiktien ka Sorkar bad Myntri kam jngohkai Bah Paul Lyngdoh haba iakren bad ki nongthoh khubor ha ka sngi Balang, ula ong ba ia kane ka kam la iakren ha ka jingialang ba la pyniaid da u Symbud Myntri Rangbah ba khmih ia ki kam pohiing (Poice) Bah Prestone Tynsong ha kine ki lai sngi bala leit.
“Ngi la iakren ia ka lad la ngin shu pynkylla ia ka MRSSA lane wanrah noh da kawei ka ain kaba thymmai kaban pynleit jingmut bha halor ka mat ka jingshngain jong ki nongleit nongwan ha Meghalaya haba buh hakhmat ia ka jingkylla ka jinglong jingman, ka jingnang bun ka jingwan rung ki briew na Bangladesh, ka jinglong jingman ha ka geopolitics, ka jingmih ki kynhun Islam kiba long nongshun ka ri India ha katei ka ri. Kine baroh kin long ki bynta kiba ngi sngewkhia ki ban pyntip ïa ka jingpyrshang jong ngi ban ai kham bun ki bniat ïa ka MRSSA lane ban wanrah ïa ka Aiñ ba thymmai” ong u Bah Paul.
Haba iadei bad ka MRSSA, u pyntip ba ki don artylli ki jingkylli bala buh hakhmat da u Lat ka Jylla bad ka Sorkar kala rai ban sa ai shen ia ka jubab.
“Ki artylli ki jingkylli ki dei ba hato ka jingpynieng ia ki facilitation centre kan ktah ia ka jingiaid ki kali, la kan lam sha ka jingpyndik ia ki nongleit nongwan bad ka don ruh khyndiat ka bynta jong ka MRSSA ba kren ia ki riew runar, kumta, kaei ka jingbatai shaphang kita ki riew runar…” bynrap u Bah Paul.
, 2016 lane wanrah da kawei ka ain ka ban pynthikna ia ka jingshngain ki nongleit nongwan ha Meghalaya haba buh hakhmat ia ka jingkylla ka jinglong jingman bad ka jingnang jur ka jingwan rung tuh ki briew na Bangladesh.){kind=link}