Shillong, Rymphang 12 : U President ka Meghalaya Pradesh Congress Committee (MPCC) Bah Vincent H Pala ula pynpaw ba um kynnoh satia ia ka Sorkar Jylla halor ka jingbthei ka par dewiong dang shen ha Mynsngat-Thangsko, kaba la shim ia ka jingim ki 31 ngut ki nongbylla bad pynmynsaw ia bun ngut.
“Haba iadei bad ka jingjia ba dang shen, ngan ym kynnoh ia ka Sorkar Jylla namar ki jingjia ba shu jia ryngkat (accident) ki ju jia beit hangno hangno bad ha kano kano ka por” ong u Bah Pala haba iakren bad ki nongthoh khubor ha ka sngi Palei.
Hynrei, une u Nongialam ka Congress ula pynrem ia ka Sorkar halor ka rukom khmih bad peit ia ka kam tih dewiong, haba kynnoh ba ki jingkular bala ai da ki seng sain pyrthei ba synshar, kala lam sha ki kam tih dewiong beain.
U Bah Pala ula kdew ba u Myntri Rangbah Conrad K Sangma, uba bat ia ka Tnad Mining, ula kular ban sa pynsdang biang ia ka jingtih dewiong hapih hynriew bnai hadien ba wan ha ka bor. Ula ong b aka manifesto ka BJP kala kam ba ka jingtih dewiong ha Meghalaya kan sdang biang hapoh ka 180 sngi.
“Kine ki jingkular la pynsngew biang ha Byndihati bad Nongstoin, kaba ai jingkyrmen ia ki paidbah ba ia kane ka kan yn sa pynbeit noh kham kloi. Sngewsih, kine ki jingkular ki khlem urlong, bad shet kylla ia ka jingshaniah u paidbah”.
 Bah Vincent H Pala ula pynpaw ba um kynnoh satia ia ka Sorkar Jylla halor ka jingbthei ka par dewiong dang shen ha Mynsngat-Thangsko, kaba la shim ia ka jingim ki 31 ngut ki nongbylla bad pynmynsaw ia bun ngut.){kind=link}