Shillong, Naitung 04: Ka Meghalaya Cricket Association (MCA) kala pynbna iaka kyrteng jong ki 28 ngut ki nongialehkai kiba la shah jied ban iashimbynta ha ki lympung iakob ka BCCI na ka bynta u snem 2024-25.
Ka kynhun ka jylla kan leit iashimbynta ha ki ar tylli ki lympung ialehkai cricket kiba kongsan ka Col CK Nayudu Trophy kaban sdang naduh ka 13 tarik u Risaw bad ka One Day U-23 Men’s State A Tournament naduh ka 15 tarik u Nohprah.
Ka MCA, hadien ka jingbthah jong ka Selection Committee kala jied iaki nongialehkai da kaba bishar iaka rukom ialehkai ka jongki ha u snem 2023-2024.
Ka Meghalaya kala long ka Runners-up ha ka 2023-24 Col CK Nayudu Trophy Plate Group, kala wan baar hadien jongka Nagaland. Kial odn katto katne ngut ruh ki nongialehkai kiba la shah kyntiew kyrdan noh naka kynhun U-19 kum u Shavian Blah uba la ioh khur 26 wicket ha ka Cooch Behar Trophy.
Ka MCA kan pynlong ruh ia ka Selection bad ka Preparatory Camps hashwa ban leit iashimbynta ha kitei ki lympung iakob ialehkai Cricket.
Ki nongialehkai jong ka MCA U-23 Men’s kiba la shah jied ki kynthup ia u Bipin Kumar Ray, Kush Agarwal, Indranil Chakravarty, Rohit Kumar Yadav, Agreas Cham Cham Sangma, Ronnie G Sangma, Gulgul Sangma, Gilseng Momin, PM Santhosh, Kevin Sanjeev Christopher, Aman Kumar, Navin Kumar Ray, Rurav Agarwal, Chandra B Thapa, Raghav Magotra, Jangrik Marak, Gavineal Marpna, Josiah Momin, Banialam Mylliemngap, Joydeepan Deb, Abhishek Kumar, Bharat Gurung, Swastic Chettri, Shavian Blah, Manish Sharma, Sachin Kumar, Thunun Marak bad u Avinash Rai.
 kala pynbna iaka kyrteng jong ki 28 ngut ki nongialehkai kiba la shah jied ban iashimbynta ha ki lympung iakob ka BCCI na ka bynta u snem 2024-25.){kind=link}