Shillong, Dec 11: Ka Meghalaya Cricket Association kala jied ia ki 26 ngut ki thei ialehkai Cricket ka jylla ban iashimbynta ha ka Final Selection Trials naka bynta ka U-23 Women’s Team ka jylla.
Ki nongialehkai jong ka U-23 kila iashimbynta ha ki jingialehkai bad ki kynthei kiba la heh hapoh Jagiroad, Assam, mynta ka snem bad ka jingjied ia ki nongialehkai la pynshong nongrim katkum ka jinglah ka jongki ban ialehkai bha.
Ia ka jingjied khatduh ia ki nongialehkai na ka bynta BCCI U-23 Women’s T20 Trophy 2024-25 yn pynlong naduh ka 14 haduh ka 16 tarik u Nohprah ha MCA Ground, Polo. Ki nongialehkai kidei ban leit mih hi dalade ha ka 13 tarik ha nongbah Shillong bad ha ka sngi kaba bud kidei ban leit pyntip ia ka jingiashimbynta ka jongki ha ka por 7 baje mynstep.
Ki nongialehkai kiba la shah jied ki kynthup ia ka Blaridahun Dkhar, Smillin N Sangma, Aanchal Singh, Sistilin Ryntathiang, Saradafica Kharbani, Suruti Kumari Ray, Rikmanchi Sangma, Aribajanai Mynsong, Ankita Sharma, Neelam Roy, Emisakani Warjri, Indariakor Kharwanniang, Ibajanai Wanniang, Dubleen D Nengnong, Evanki Passah, Ridahun Nongsiej, Rubi Chettri, Monica L Phawa, Monycable Marbaniang, Fullnessy Mawlong, Darisha Wahlang, Lanosha Diengdoh, Mercia Able Dhar, Teiiameris Wahlang, Mansi Anand bad ka Ritreki Pohshna.
Katba ki Support Staff ki kynthup ia ka Deepali C Patkar (Head Coach), Marty Mustafa (Assistant Coach), Apurva D Nadkarni (Trainer) bad ka Sushma Thapa (Physio).
