-->

Jied ka BCCI ia 4 ngut ki samla U-19 ka Jylla ban leit sha ka NCA Camp

Date:

Share post:

Shillong, Lber 01: Ka All India Junior Boys Selection Committee (U-19 Boys) jongka BCCI kala jied ia ki 4 ngut ki nongialehkai Cricket na ka jylla Meghalaya ban iashimbynta ha ka U-19 Boys National Cricket Academy (NCA) Camp kaban sdang naduh ka 26 tarik u Iaiong haduh ka 22 tarik u Jymmang 2024 ha kylleng ki bynta jong ka ri India.

Ki 4 ngut ki nongialehkai ka Meghalaya kiba la shah jied ki kynthup ia u Angkit Tamang, Pushkar Raj Singh, Kishlay Vishlux bad u Shavian P Blah.

Ki ki khynnah shynrang kila shah jed kad hadien ka jingialehkai bha ka jongki ha ka Vinoo Mankad Trophy bad ha ka Cooch Behar Trophy kaba ka Meghalaya kala ioh rung syndon sha ka Final jongka Plate Group bad kala pynkut ia ka jingialehkai da kaba wan baar ha katei ka lympung iakob ialehkai.

U Shavian bad u Angkit kidei ki nongkawang bok kiba la ioh khur 26 bad 25 wiket ha ki 7 tylli ki jingiakhun bad kila kamai run ruh haba kila leit ban tied ruh.

U Pushkar ula ioh ia ka Centurt ne kamai palat iaka 100 run haka semoi phainal katba u Kishlay udei u nongialehkai ula tied bha bad uba la bol bha ha katei ka jingiakob ialehkai.

U Shavian yn leit ban ioh jingpyntbit ha Mohali (Punjab), u Kishlay ha Rajkot (Gujarat), u Pushkar ha Salem (Tamil Nadu) bad ia ka jaka kaban leit pyntbit u Angkit yn sa pynbna kham hadien.

Ka Meghalaya Cricket Association kala ai khublei bad kala kitbok kitrwiang ia kine ki 4 ngut ki nongialehkai Cricket kiba la shah jied ban iashimbynta ha ka NCA camp.

Share post:

-->
spot_img

Popular

More like this
Related

SPL 2025| Kiew ka Mylliem na u pud ban hiar kyrdan | Hiar noh ka Nongrim Hills

Shillong, Risaw 8: Ki ar kol u Alem Khongwir,...

Iaroh ka BJP ia ka Sorkar ba pynduh ia ka interview ha ka thungkam ia ki Grade-IV

Shillong, Risaw 08: Ka Meghalaya Bharatiya Janata Party (BJP)...

Sam ka DC da ki kor Digital ban lah pyntreikam bha ia ka MRSSA 2016 ha EKH

Shillong, Risaw 8: Ka Ophis jong ka Deputy Commissioner...

BJP asks Meghalaya Govt to allow final-year grads to appear for MCS/MPS exams

SHILLONG, OCT 8: The state BJP has demanded the...