Nongpoh, Naitung 16: Ki bor pyniaid skuk ka St. Jude Secondary School, Umpher ha ka thaiñ Byrnihat, Ri Bhoi District ki la pynpaw ia ki jingeh bad iakynduh mawsiang man la u snem, tang ka daw ka jingshah ktah ha ka jingshlei um khah khah kaba ju jia man la ka aiom lyuir.
Kane ka jingeh jong kane ka skul kala wan hap tang tang namar ka jingbym biang ki nala um jong ka surok bah National Highway-6 ha kane ka thain.
Dang ha ka sngi Thohdieng, kane ka skul kala mad biang ia ka jingshlei um na ka jingthep u slap haduh ba ka um ktieh kala rung sha ki kamra klas jong ki khynnah skul bad sha ki jaka sah jong ki Brother bad ruh ka Iingmane.
U Principal katei ka skul Brother Shyju PJ, u la ong ba kane ka jingshlei ka la ktah shaba palat ïa ka bha ka miat jong ka skul, namar man la u snem ki ju kynduh kajuh ka jingeh tang shu poi ka por lyiur bad lada ther u lapbah ka la wan beit ka jingshlei um kaba la pynjot lut ïa ka skul bad baroh ki jingdon jingem hapoh ka skul bad wat sha ka jaka mane blei bad ka ïingsah jongki.
U la ïathuh ruh ha ka jingshisha kum ki bor pynïaid skul ki la dep ban ai jingthoh sha ka bor Synshar District bad ruh sha ka ophis u Block Development Officer ka Umling C&RD Block ba kin shim khia halor kane ka bynta bad la don ruh ki bor sorkar kiba la wan ban jurip na ka ophis u BDO, hynrei kane kala shu kut khlem poi shaei shaei ruh.
Pule ruh: Manipur: Pynjari ka CoTU da ka pakhang Shnong ba 72 kynta ha surok NH-2
