Shillong, Naiwieng 13 : U Vice Chancellor ka North Eastern Hill University (NEHU) Prof PS Shukla, ula ai jingkren hapdeng ka jingiakhih shah thngan jong ki samla pule ka University, kaba jam sha ka sngi ba 9 hynnne ka sngi Balang.
Haba iakren bad u nongai khubor, u VC ula pyntip ba shen yn sa pynbna ia ka khubor ba bha mynta ka janmiet, kaba iaid kat kum ka jingdawa jong ki samla pule.
Ula ong ba ki kam kila don ha ki jingiapynbeit bad ynsa pynbna shen ia ka rai.
U VC ia mynta ym don satia hapoh ka campus jong ka university hynrei ula treikam na kawei ka jaka ba shngain ka bym don ba tip satia.
Ki seng samla pule ka NEHU (NEHUSU) bala kyrshan da ka KSU-NEHU Unit, kila shah shah thngan naduh ka 5 tarik Naiwieng bad khangdam ia ka campus naduh ka 6 tarik Naiwieng, kaba pyrrkhing ia ka rung ka mih ki briew shapoh ka campus.
Ki samla pule kila dawa ban hiar shuki ia u VC bad weng kam noh ia u Registrar bad Deputy Registrar namar ka jingbym nang ban pyniaid ia ka university.
