Nongstoin, Iaiong 12 : Kat kum ka khubor Pulit la pyntip ba uwei u Samla ba kyrteng u Cooperson Lyngdoh Nonglait ba 19 snem ka rta, ula jah rngai ha lynti na Nongstoin sha Shillong naduh ka 10 tarik Iaiong.
Ki Pulit ki pyntip ba hynne ka janmiet sngi Balang, ki bahaiing une u samla kila wan pyntip ia kane ka jingjia bad iathuh ruh ba ia une u samla la iohi khatduh ha ka dukan jong ki hi ha Nonbah, Nongstoin kaba don marjan ka St Savior Sec School.
Ki Pulit ba une u samla ula iathuh ba un wan sha Shillong bad ban sah bad la u jong u hynmen u Albinus Lyngdoh Nonglait ha Rynjah, Shilong bad kumta hi kila phone ia une u hynmen ban leit ap ia u ha ka jaka ieng bos ha Khiehiew ha ka por 6 baje janmiet.
Hynrei u Albinus ula pyntip kylla hadien ba u para u khlem wan poi satia sha Shillong.
Ki bahaiing kila pyrshang ban wad kylleng kijaka ia une u samla hynrei tad haduh mynta kim shym la lap dien satia.
Ki Pulit kila register case halor kane ka jingjia bad ka jingtohkit mynta kala iaid shakhmat.
