Nongstoin, K’lygkot 5: Kawei ka Samla ba 27 snem ka rta, kaba dei na Songsak, West Khasi Hills District, kala jah nala Iing mynta la artaiew tam bad haduh mynta ym pat lapdien satia shano ba ka don.
Kane ka Samla ka kyrteng ka Sarila Sangma kaba dei ka khun jong u Melthi Sangma. Kane ka samla kala jah nala iing naduh ka 22 tarik Nohprah 2022.
Haba pyntip ia kane, u Superintendent of Police ka West Khasi Hills, ula iathuh ba u Kpa jong kane ka samla ula ujor da ka ejahar halor kane ka jigjia sha ki Pulit.
U Superintendent of Police, ula pynmih ia ka jingpyntip ban wad ia kane ka Sarila Sangma haba kyntu ba lada don kino kino kiba iohi ne kiba ioh jingtip shaphang jong ka, kin sngewbha ban pyntip sha ki Police Station kiba hajan eh jong ki.
U SP ula phah ruh ia kane ka jingtip sha baroh ki Police Station ha Jylla Meghalaya bad ki Jylla ba marjan ban wad lem ia kane ka samla.
