Tura, Jymmang 21: Kawei ka longkmie ha ryngkat bad ka khun kynthei ba dang phra snem ka rta kiba dei na Tura, hynrei kiba la leit sah noh sha ka Bengaluru hadien ba kawei ka video ba shongkha jong kane ka longkmie lane ‘sexual content’ kala saphriang ha u bnai Iaiong, kala jah rngai mynta naduh myn shem taiew.
Na ka liang u Lok jong kane ka longkmie u la leit ban ujor da ka ejahar (FIR) ha Tura police station, ha kaba u la kynnoh ia u Swapan Rishi, ba la kynnoh ba u don ka jingiadei bad ka lok jong u, u don bynta ha kane ka jingjah rngai ka lok jong u.
Katkum ka ejahar, katei ka video ka dei kaba la don mynta la 2-3 snem bad la upload ia kane ka video da u Swapan Rishi bad kane kala pynlong ka jingsaphriang bad pyntieng pynsmiej ia kane ka longiing.
Na ka liang u Lok jong katei ka longkmie u la suba ba ka tnga jong u ka lah ban shah pynngop ban phet lang bad utei uba shah kynnoh, mynba ki dang don ha Bengaluru.
Katei ka longïing, ka la kynriah noh sha Bengaluru ha u bnai ba la dep, hadien ba katei ka video, ka la saphriang bha ha Tura, bad mynta utei u lok, u dang wad ïa ki lad ki lynti ban lap ïa ka tnga bad ka khun kynthei jongu, kiba la jah rngai.
Na ka liang u Superintendent of Police (SP) ka West Garo Hills u Abraham Sangma u la ong, “Ki pulit ka jylla Meghalaya kila dep ban pyntip sha ki pulit jong ka Bengaluru bad ki dang tohkit ha kaba iadei bad kane ka kam”.
