Shillong, Naiwieng 15: U Commandant jong ka BSF 200 Battalion u Raj Narayan Mishra ula jah lynti katba u dang iashimbynta haka jingkhynra hapoh ka khlaw ha West Garo Hills.
Ha ka 13 tarik u Naiwieng, ki BSF ryngkat bad ki pulit, ki nongtrei ka tnad Forest bad ki nongshong shnong kila pynlong ia ka jingkhynra kumba ha ka por 10:30 mynmiet u Commandant jong ki BSF ula jah lynti noh namar ka jingdum tliw tliw jong katei ka khlaw kaba rben.
Katei ka jingjah lynti jong u Commandant na ka kynhun kaba la leit khynra lang kadei ha ka por ba ki dang wanphai na katei ka khlaw ha ka por mynmiet.
Ki BSF kila pyntip ba katei ka kynhun kaba la pynlong ia ka jingkhynra kala leit wad ia u bad hadien kila lap noh ia u Commandant jong ka BSF uba la jah lynti hapoh khlaw.
