Shillong, Risaw 03 : Arngut ki Nongjngohkai pyrthei kila jah rngai shapoh ka riat jong ka Kshaid Nohkalikai hynne ka janmiet sngi Ba-ar.
Kine ki arngut ki kyrteng ka Avani Soni bad u Abhishek Jamwal kiba dei na Vasna Road, Vadodora, Gujarat.
U Superintendent of Police ka East Khasi Hills u pyntip ba hynne ka janmiet ki Pulit ka Sohra Police Station kila ioh ia ka jing tip naka NERS ba arngut ki nongjngohkai kila jah lynti shapoh ka riat jong ka Kshaid.
U pyntip ba ka kynhun ki Pulit ka Sohra Police Station bala ialam da ka Women Police Sub Inspector Vandana Diengdoh, kila leit ban wad ia kine ki nongjngohkai bad kila ioh wan ialam noh sha Sohra.
