Shillong, Nailar 08: Ka Inquiry Commission bala khlieh da ka Justice Rumi Kumari Phukan (Retd) kala pynlong ia ka jingbishar ha Conference Hall, Assam House, Shillong myn ha ka 7 tarik Nailar, halor ka jingjia ha Mukroh kaba la jia ha ka 22 tarik Naiwieng 2022 na ka liang jong ka Jylla Meghalaya.
Ia kane ka jingbishar la pyntip paidbah ha ki kot khubor trai Jylla myn ha ka 4 tarik Nailar na ka bynta ki briew kiba kwah ban wan ai sakhi hakhmat ka Commission haba iadei bad ki jingtip ba ki don halor ka jingjia ha Mukroh. La pyntip ruh ia ka Sorkar Meghalaya bad kyrpad ba kan wan ialam ia baroh ki nongsahi bad ki kot ki sla hakhmat ka Commission.
La bthah ruh deputy commissioner (DC) West Jaintia Hills ruh ban phah notice sha ki nongsakhi ba kin wan mih hakhmat ka Commission ha ka 7 tarik. Hynrei kam shym la don satia ka jingwan mih naka liang ka Sorkar ne ki nongwan ai sakhi ban ioh buh jingthoh ia kaei kaba ki don ban batai.
Haka ryngkat ka jingsngewdiaw, ka Commission kala pynkut noh iaka jingbishar na ka liang ka Meghalaya bad ka la leit phai noh shaka Guwahati.
